१ हजारले घट्यो सुनको मूल्य, कतिमा हुँदैछ कारोबार ?

काठमाडौं । नेपाली बजारमा  सुनको मूल्य  घटेको छ । नेपाल सुनचाँदी व्यवसायी महासंघका अनुसार आज छापावाला सुन प्रतितोला  १ हजार रुपैयाँले घटेको हो  । 

अघिल्लो दिन २ लाख ५२ हजार ९ सयमा कारोबार भएको सुनको मूल्य आज १ हजारले घटेर २ लाख ५१ हजार ९ सयमा कारोबार  भएको महासंघले जनाएको छ । 

 त्यस्तै आज चाँदीको मूल्य भने बढेको छ । अघिल्लो दिनको तुलनामा चाँदी प्रतितोला १५ रुपैयाँ बढेको छ । यस दिनका लागि चाँदीको भाउ प्रतितोला ३ हजार ६ सय रुपैयाँ तोकिएको छ ।

यसअघि गत बुधबार चाँदीको भाउले ३ हजार ६५५ रुपैयाँको अधिकतम रेकर्ड बनाएको छ ।