देशका विभिन्न स्थानमा ३ जना मृत अवस्थामा फेला

काठमाडौं । देशका विभिन्न स्थानमा ३ जना मृत अवस्थामा फेला परेका छन् ।

संखुवासभा, खाँदबारी नगरपालिका–९ सालघारीमा भोजपुर षडानन्द गाउँपालिका–१२ घर भएका ६२ वर्षीय राम कुमार कुमाल आइतबार मृत अवस्थामा फेला परेका छन् ।

त्यस्तै मोरङ, उर्लाबारी नगरपालिका–९ छिन्ताङने टोल बस्ने ४९ वर्षीय नरेन्द्र लावती लिम्बु सोही ठाउँस्थित घरको प्यासेजमा आइतबार मृत अवस्थामा फेला परेका छन् ।

यसैगरी पर्सा, वीरगंज महानगरपालिका–२८ जगरनाथपुरस्थित भेडा खोलामा सोही महानगरपालिका–२७ बस्ने १९ वर्षीय बिशाल राउत आइतबार मृत अवस्थामा फेला परेका छन् ।

घटनाका सम्बन्धमा सम्बन्धित प्रहरीले आवश्यक अनुसन्धान गरिरहेको छ ।