काठमाडौं । नक्कली भुटानी शरणार्थी प्रकरणमा पक्राउ परेकाहरुको आजबाट बयान शुरु हुँदैछ ।
जिल्ला अदालत काठमाडौंमा आजबाट सो प्रकरणमा पक्राउ परेका १६ बयान शुरु हुन लागेको हो । सो प्रकरणमा १६ जना पक्राउ परेका छन् फरार १४ गरी ३० जना मुछिएका छन् ।
उक्त मुद्दाको पेशी काठमाडौं जिल्ला अदालतका न्यायाधीश प्रेमप्रसाद न्यौपानेको इजलासमा तोकिएको छ । उनीहरुको बयान र उक्त मुद्दाको बहस २ हप्ताजति लाग्ने बताइएको छ ।
सो प्रकरणमा पक्राउ परेका पूर्वउपप्रधानमन्त्री टोपबहादुर रायमाझी, पूर्वमन्त्री बालकृष्ण खाँणसहितका १६ जनाको बयान न्यायाधीश न्यौपाने समक्ष हुने भएको हो ।
नेपालीहरूलाई नक्कली भुटानी शरणार्थी बनाएर अमेरिका पठाउन खोज्ने ३० जनाविरूद्ध बुधबार काठमाडौं जिल्ला अदालतमा मुद्दा दर्ता गरिएको थियो ।
बुधबार प्रहरीले उनीहरुसँग अनुसन्धान गरी सरकारी वकिलको कार्यालयमा प्रतिवेदन बुझाएको थियो ।
