१८ मङ्सिर २०७८, शनिवार

खन्चुवा ग्राहकलाई रेस्टुरेन्टमा प्रतिबन्ध

२०७८,मङ्सिर,७,मंगलवार १७:५८

0
Shares

एक रेस्टुरेन्टले आफ्ना ग्राहकलाई आकर्षित गर्न ल्याएको निश्चित रकम तिरेर पेटभरि खान दिने योजनालाई एक ग्राहकले विफल बनाइदिएका छन् ।

चीनको चाङ्सा सहरमा सञ्चालनमा रहेको हण्डाडी सी फुडले ग्राहकलाई आकर्षित गर्न वार्बिक्यु बफेट सञ्चालनमा ल्याएको थियो । यो बफेटमा ग्राहकले निश्चित रकम तिरेपछि भर पेट खाना खान पाउने योजना रहेको थियो ।

रेस्टुरेन्टको योजना अनुसार स्थानीय काङ नाम गरेका ग्राहकले पहिलो दिनमै डेढ किलोग्राम सुँगुरको मासु खाए । दोस्रो दिन उनले ४ किलोग्राम झिँगे माछा खाए । भाडामा कुनै पनि खानालाई खेर नफाली सबै खाना खान थालेपछि उनलाई रेस्टुरेन्टका सञ्चालकले निगरानीमा राखे । रेस्टुरेन्टका सञ्चालक भन्छन् – यी व्यक्तिले यहाँ आएर योजना अन्तर्गतको खाना यसरी खाए की मैले सैयौं युवान घाटा बेहोरी रहेको छु । अरू ग्राहक २–४ पिस लिन्छन् भने उ ट्रेमा राखेको सबै खाना लिन्छन् र खान्छन् । उसको खान्की यस्तो छ कि उ एक पटकमै भटमासको दूध २० देखि ३० बोतल सम्म खाइदिन्छन् । उसको अत्यधिक खानपिनकै कारण आफू टाट पल्टिएला भनेर उसलाई रेस्टुरेन्टमा आउन बन्द गरेको सञ्चालकले बताए ।

काङ मुलतःः खानेकुरा धेरै खाएर भिडियो बनाउने व्यक्तिमा पर्छन् । उनी ब्यवशायिक रूपमै यो क्षेत्रमा लागेका छन् । यस्ता व्यक्तिहरूकै कारण आफू टाट पल्टिएला भनेर उनलाई प्रतिबन्ध लगाउनु परेको सञ्चालकले स्थानीय सञ्चार माध्यमलाई जनाए ।

रेस्टुरेन्ट मालिकले आफूलाई प्रतिबन्ध लगाएपछि काङले आफूलाई रेस्टुरेन्ट सञ्चालकले अवहेलना गरेको आरोप लगाएका छन् । कसैको खानपिन बढी हुन्छ भनेरै प्रवेश निषेध गर्न नपाइने उनको तर्क छ । अरू रेस्टुरेन्टले आफ्नो खानपिनमा त्यस्तो किसिमको प्रश्न राखेर आउन नदिएको आफूलाई थाहा नभएको उनले बताए ।

म धेरै खान सक्छु यो मेरो गल्ती त होइन । फेरी सञ्चालकले ल्याएको योजना अन्तर्गतकै खानेकुराहरू आफूले खाएको उनको तर्क छ ।

काङको खानपिनको विषय चीनको सामाजिक सञ्जालमा भाइरल भएपछि अहिले यसमा बहस भइरहेको छ । कोही रेस्टुरेन्ट सञ्चालकको पक्षमा लागेर यदि यस्तै ग्राहक मात्र आउने हो भने रेस्टुरेन्ट मालिकलाई धेरै नै घाटा हुने बताइरहेका छन् । कोही काङको पक्षमा पनि रहेका छन् । रेस्टुरेन्ट सञ्चालकले आफ्नो योजना अनुसार ग्राहकलाई सेवा दिनु पर्ने बताइरहेका छन् ।

प्रकाशित मिति: २०७८,मङ्सिर,७,मंगलवार १७:५८

प्रतिक्रिया दिनुहोस !
सम्बन्धित खबरहरु

वैज्ञानिक खोजले जमिन माथिकै धेरै विषयहरू अनुसन्धान गर्न सकेको छैन भने समुन्द्रको संसार त अझैँ पनि रहस्यमय नै रहेको छ

अस्ट्रेलियाको संसदमा रहेका महिला सभासद् र कर्मचारीहरूमाथि हुने गरेको यौनजन्य हिंसाले सर्वत्र चर्चा पाइरहेको अवस्थामा मंगलबार सार्वजनिक भएको एक प्रतिवेदनले

एक युट्युबरले आफ्नो प्रेमीकाको जन्मदिनको अवसरमा १० लाख पेसो (२३ लाख ६१ हजार रूपैंया) को नोटको बुके उपहारमा दिएका छन्

काठमाडौं । विश्वका सात आश्चर्यमध्येको एक ताजमहल मुगल सम्राट शाहजहाँले आफ्नी पत्नी मुमताज महलको सम्झनामा निर्माण गरेका थिए । तर

ताजा समाचार

श्रम सम्झौता पुनरावलोकनमा कतार सहमत
 २०७८,मङ्सिर,१८,शनिवार ०८:२१
डेढ अर्बको लगानीमा बन्यो अस्पताल
 २०७८,मङ्सिर,१८,शनिवार ०८:१८
चितवनमै ‘स्मार्ट लाइसेन्स’ नवीकरण हुँदै
 २०७८,मङ्सिर,१८,शनिवार ०८:१६
‘होई मेरो संसार’मा सरोज र विनाको छमछमी
 २०७८,मङ्सिर,१८,शनिवार ०८:०८
बेलायतमा ४२ जनामा देखियो ‘ओमिक्रोन’
 २०७८,मङ्सिर,१८,शनिवार ०७:३२