९ कार्तिक २०७८, मंगलवार

संखुवासभाको बीभत्स हत्या अपडेट : शवको मुचुल्का उठाउने काम सकियो, कुकुरले ट्रयाकिङ गर्दै

२०७८,भाद्र,२२,मंगलवार १४:३१

2.313k
Shares

सोमबार एकाबिहानै संखुवासभामा एकै परिवारका ६ जनाको बीभत्स रुपमा भएको हत्या घटनाले सबै मानिसको ध्यान खिच्यो ।

यसरी आएको थियो खबर

जिल्ला प्रहरी कार्यालय संखुवासभाका ड्यूटी अफिसरको फोन बज्छ । मादी नगरपालिका उम्लिङ खोलागाउँ-१ मा एकै परिवारका ६ जनाको शव बीभत्स अवस्थामा यत्रतत्र फालिएको अवस्थामा भेटिएको छ । प्रहरी टोली आउनुपर्‍यो।
आत्तिँदै गरिएको खबर प्रहरीले रेकर्डमा राख्छ र आवश्यक सोधपुछ जारी राख्छ ।

फोनपछि जिल्ला प्रहरी कार्यालयले मादी नगरपालिकामा रहेको इलाका प्रहरी कार्यालय चैनपुरलाई सम्पर्क गरेर घटनाबारे जानकारी गरायो । इलाका प्रहरी कार्यालय चैनपुरबाट घटनाबारे जानकारी पाउनासाथ टोली तत्काल ‘मुभ’ हुन्छ ।

विकट भएकोले झनै ढिलाइ

मादी नगरपालिका उम्लिङ खोलागाउँ र इलाका प्रहरी कार्यालय चैनपुर निकै टाढा रहेको छ। विकट पनि । उम्लिङ खोलागाउँ पुग्न इलाका प्रहरी कार्यालयबाट साढे २ घण्टा गाडीमा र गाडीबाट ओर्लिएपछि थप ३ घण्टा पैदल हिड्नुपर्छ ।

इलाका प्रहरी कार्यालय चैनपुरको टोली घटनास्थल पुगेपछि उनीहरुले सुनसरीको धरानबाट तालिमप्राप्त कुकुरसहितको टोली र प्रहरीको थप अनुसन्धान टोलीलाई खबर गर्छन् ।

घटनास्थल सिल गर्ने, सोधपुछ गर्ने, जानकारी लिने काम अगाडि बढाउँछन्  तर धरानबाट प्रहरीको सबै टोली राति ढिला घटनास्थल पुगेपछि आज मंगलबार बिहानबाट थप काम सुरु भएको छ ।

अहिले घटनास्थलमा हत्या गरिएको अवस्थामा फेला परेका ६ वटा शवको मुचुल्का उठाउने काम सकिएको जिल्ला प्रहरी कार्यालय संखुवासभाका प्रवक्ता डीएसपी लालध्वज सुवेदीले लोकपथलाई जानकारी दिए।

‘शवको मुचुल्का उठाउने काम सक्कायौँ। अब पोष्टमार्टम लागि काम सुरु गरेका छौं। तालिमप्राप्त कुकुरहरुले ट्रयाक गरिरहेका छन्’, डीएसपी सुवेदीले लोकपथसँग भने ।

५८ वर्षीय तेजबहादुर कार्की, ८४ वर्षीया आमा पार्वता, ५६ वर्षीया श्रीमती मनमाया, २८ वर्षीया बुहारी रञ्जना, १० वर्षीय नाति दीपक र पाँच वर्षीया नातिनी गोमाको धारिलो हतियार प्रयोग गरी हत्या भएको प्रहरीले जनाएको छ ।

घटनाको अनुसन्धान गर्ने एसपी भिम दाहालको नेतृत्वमा टोली घटनास्थलमा खटिएको छ ।

याे पनि पढ्नुहाेस् : संखुवासभामा एकै परिवारका ६ जना मृत फेला : हत्या आशंका, प्रहरी घटनास्थल पुग्दै

 

 

प्रकाशित मिति: २०७८,भाद्र,२२,मंगलवार १४:३१

प्रतिक्रिया दिनुहोस !
सम्बन्धित खबरहरु

काठमाडौं । नेपाल बार एशोसिएसनले प्रधानन्यायाधीश चोलेन्द्र शमशेर जबराको राजिनामा माग गरेको छ । बार एशोसिएसनको मंगलवारको बैठकले प्रधानन्यायाधीश जबरालाई

लोकपथ डट कमको अनलाइन समाचार बुलेटिनमा तपाईँलाई स्वागत छ । यो अङ्कमा तपाईँले आजको ताजा र प्रमुख समाचारहरू सुन्न र

काठमाडौं । क्रियाशील सदस्यता वितरण र नवीकरण न्यायसंगत नभएको भन्दै नेपाली कांग्रेस रौतहटका नेता कार्यकर्ता कांग्रेस मुख्यालय सानेपामा धर्ना बसेको

काठमाडौं । प्रधानमन्त्री एवम् नेपाली कांग्रेसका सभापति शेरबहादुर देउवाले मंसिर भित्र सम्पन्न हुने गरी १४ औं महाधिवेशनको कार्यतालिका बनाउन पार्टीको

ताजा समाचार

गोदावरी पुष्प प्रदर्शनी शुक्रवार
 २०७८,कार्तिक,९,मंगलवार २२:२४
मुलुक संकटतर्फ धकेलियो – प्रवक्ता महरा
 २०७८,कार्तिक,९,मंगलवार २२:१५
मुलुकको हितका लागि जसपाको उदय : नेता यादव
 २०७८,कार्तिक,९,मंगलवार २१:४६
पहिलो चरणमा ४८ कामदार दक्षिण कोरिया जाँदै
 २०७८,कार्तिक,९,मंगलवार २०:५७