२०७८,असार,४,शुक्रवार

बहुमतको सरकार गठनको समय सकियो, ठूलो दलको हैसियतमा पुनः ओली नै प्रधानमन्त्री


काठमाडौं । प्रधानमन्त्री केपी शर्मा ओली नेतृत्वको सरकार अल्पमतमा परेपछि संविधानको धारा ७६ (२) बमोजिम राष्ट्रपतिले सरकार गठनका लागि दिएको समयसीमा सकिएको छ ।

सोमवार ओलीले संसदबाट विश्वासको मत लिन नसकेपछि राष्ट्रपति विद्यादेवी भण्डारीले तीन दिनको समय दिँदै अन्य दलहरुलाई बहुमतको सरकार गठनका लागि आह्वान गरेकी थिइन् । राष्ट्रपति भण्डारीले बिहीवार (आज) राति ९ बजे सम्मका लागि दिएको समय सकिएसँगै बहुमतको सरकार गठनको सम्भावना टरेको हो ।

तर तीन दिनको समयमा पनि प्रमुख प्रतिपक्षी कांग्रेससहित माओवादी केन्द्र र जसपाले सहमती जुटाउन नसक्दा नयाँ सरकार बन्न सकेन ।

सोमवार संसदमा तटस्थ बसेको जसपाको महन्थ ठाकुर र राजेन्द्र महतो पक्षले साथ नदिँदा नयाँ गठबन्धनको सरकार बन्न नसकेको हो ।

सरकार गठनको अन्तिम दिन बिहीवार (आज) सरकार गठनका लागि सबै राजनीतिक दलहरुबीच आन्तरिक छलफल चलेको थियो । दलहरुबीच सहमती नजुटेपछि बहुमतको सरकार गठनको बाटो टुंगिएका हो । यससँगै पुनः ओली नै प्रधानमन्त्री हुनेछन् ।

राष्ट्रपति कार्यालयका प्रवक्ता सहसचिव रुपनारायण भट्टराईले लोकपथलाई दिएको जानकारी अनुसार ओलीलाई प्रधानमन्त्री नियुक्त गर्ने तयारी भइरहेको छ ।

कतै यो पढ्न छुटाउनु पो भयो कि ?

देउवाका आफ्नै दुख छन्

आज रमिता भयो

प्रकाशित मिति: २०७८,बैशाख,३०,बिहीवार २१:००


प्रतिक्रिया दिनुहोस !
सम्बन्धित खबरहरु

काठमाडौं । बागमती प्रदेशका मुख्यमन्त्री डोरमणि पौडेलसँग भरतपुर महानगरपालिकाका नारायणी तटीय क्षेत्रका बासिन्दाले बस्तीमा पानी पस्ने समस्याको दीर्घकालीन समाधान गर्न

काठमाडौं । सत्तारुढ नेकपा (एमाले)का महासचिव ईश्वर पोखरेलले आज काठमाडौंको बूढानीलकण्ठ नगरपालिकामा निर्माणाधीन विभिन्न विकास योजनाको निरीक्षण गरेका छन् ।

काठमाडौं । निजामति सेवाको विशिष्ट सचिव पद खाली हुँदै गएको छ । लोकसेवा आयोगमा पदाधिकारी नियुक्त गर्न ढिलाई गर्दा यो

काठमाडौं । कृषि तथा पशुपंक्षी विकास मन्त्री ज्वालाकुमारी साहले भूउपयोग नीतिलाई कडाइका साथ लागु गरेर खेतीयोग्य जमिन शहरीकरण हुनबाट रोक्नुपर्ने

हजुर अब पत्रकार नै बन्नुस् !
 २०७८,असार,४,शुक्रवार १८:२५