काठमाडौं । आज मंगलवार बस्ने भनिएको नेकपा एमालेको सचिवालय बैठक स्थगित भएको छ। बिहान ९ बजेका लागि बोलाइएको बैठक तयारी नपुगेको भन्दै स्थगित गरिएको हो ।
प्रचण्डको पक्षमा रहेका माधव नेपाल‚ झलनाथ खनाललगायतका नेताहरु एमालेमा फर्किने निर्णय गर्नुअघि नै आजका लागि बैठक आह्वान गरिएको थियो । तर सोमवार उनीहरूले पनि अदालतको फैसलाबमोजिम एमालेमै फर्किने निर्णय गरेपछि थप तयारी गर्नुपर्ने भन्दै आजको बैठक स्थगित गरिएको महासचिव ईश्वर पोखरेलले जानकारी दिएका छन् ।
ईश्वर पोखरेलको नेतृत्वमा रहेको एमाले सचिवालयमा २ उपमहासचिव, ५ सचिव र एक जना कार्यालय सचिव हुनेछन्।
यो खबर पढेर तपाईलाई कस्तो महसुस भयो ?
प्रतिक्रिया