अपडेट : ‘महाकाली नदी जुनसुकै बेला फुट्न सक्छ, सतर्क रहनू’

लोकपथ
0
Shares

काठमाडौं । दार्चुलाको माल्पामा बाटो निमार्ण गर्ने क्रममा गएको ठूलो पहिरो गएको छ । पहिरोको कारण महाकाली नदी थुनिएको छ ।

ठूलो पहिरोको कारण महाकाली नदी थुनिन गएकोले कुनै पनि बेला नदीमा जम्मा भएको पानी फुट्न सक्ने भएकाले महाकाली नदी नजिक बस्ती भएका र सो क्षेत्रमा काम गर्ने सबैलाई आवश्यक सतर्कता अपनाउन भनिएको जिल्ला प्रशासन कार्यालय कञ्चनपुरका प्रशासकिय अधिकृत कृष्णनन्द जोशीले लोकपथलाई जानकारी दिए ।

उनले थपे , ‘सडक निर्माणका क्रममा ठूल्ठूला ढुंगा नदिमा खसेका कारण नदी फुट्न सक्छ । त्यसैले मानवीय क्षति नहोस् भन्नको लागि सतर्क रहन भनेका हौँ ।’

थुनिएको नदी अहिले बिस्तारै खुल्ने कममा रहेको पनि उनले जानकारी दिए ।

नदी थुनिएको कारण महाकाली नदी नजिक भएका र सो क्षेत्रमा काम गर्ने सबैलाई सचेत रहन जिल्ला प्रशासन कार्यालय कञ्चनपुरले ‘अलर्ट’ जारी गरिएको छ ।

यो पनि पढ्नुहोस् : महाकाली नदी थुनियो, प्रशासनले चेतावनीसहित ‘अनुरोध’ गर्दै निकाल्यो सूचना

जिप्रका कञ्चनपुरले हिजो (मंगलवार) अत्यन्त जरुरी सूचना प्रकाशित गर्दै सतर्कता अपनाउन सूचित गराएको छ ।

सूचनामा भनिएको छ :

‘मिति २०७७ १० २० गते दार्चुलाको माल्पा भन्ने ठाँउमा ठूलो पहिरोको कारण महाकाली नदी थुनिन गएकोले कुनै पनि बेला नदीमा जम्मा भएको पानी फुट्न सक्ने भएकाले महाकाली नदी नजिक बस्ती भएका र सो क्षेत्रमा काम गर्ने सबैलाई सचेत रही आवश्यक सतर्कता अपनाउन आग्रह गरिन्छ ।’

 

यो खबर पढेर तपाईलाई कस्तो महसुस भयो ?