करेन्टको सानो झट्काले पनि मान्छेको जिउमा हलचल ल्याउन सक्छ तर एक युवक यस्ता छन् जसलाई ११ हजार भोल्टको करेन्टले समेत कुनै असर गर्दैन ।
भारतको हरियाणास्थित सोनीपतमा बस्ने १९ वर्षका दीपक जांगडा दुनियाका ती विचित्र पात्र हुन् ।
मानिसलाई मृत्युको मुखमा पु¥याउन २७ सय भोल्टको करेन्ट नै पर्याप्त हुन्छ । तर दीपकलाई भने ११ हजार भोल्टको करेन्ट लगाइदिँदा पनि कुनै असर हुँदैन । उनको छातीमा करेन्ट लगाएर कयौंपटक प्रयोग पनि गरिसकिएको छ । तर उनलाई यसले कुनै असर गर्दैन ।
जब कि ११ हजार भोल्टको करेन्टले ५ सय घरको लागि बिजुली पुग्छ ।
दीपकलाई आफ्नो जिउमा करेन्ट नलाग्ने कुराको अनुभूति पहिलोपटक ३ वर्षअघि भएको रहेछ । घरमा हिटर बिग्रेपछि उनले हिटर बनाउने बेलामा हातले नांगो तार छुन पुगे । करेन्ट बगिरहेको तार छुँदा पनि हातमा करेन्ट नलागेपछि उनी दंग परे । उनको त्यो अनौठो क्षमता देखेर सबै अचम्ममा परे ।
आफ्नो यो अनौठो क्षमता भगवानले दिएको उपहार भएको उनी बताउँछन् । अरु कोही पनि मानिसले गर्न नसक्ने काम आफूले गर्नसक्ने भएकाले आफू दुनियाकै भाग्यमानी मान्छे भएको उनको भनाइ छ । आफूले आफ्नो त्यो शक्ति गुमाउन नचाहने पनि उनी बताउँछन् ।
आखिर दीपकको शरीरमा के त्यस्तो शक्ति छ जसका कारण उनलाई करेन्ट लाग्दैन ? यो कुरा अझै रहस्यको गर्भमै रहेको छ । उनले यो पत्ता लगाउनका लागि डाक्टरसँग धेरै पटक आफ्नो रगत परीक्षण पनि गराए । तर सबै रिपोर्ट सामान्य पाइएको छ ।
एजेन्सीको सहयोगमा
यो खबर पढेर तपाईलाई कस्तो महसुस भयो ?
प्रतिक्रिया