काठमाडौं । सत्तारुढ दल नेपाल कम्युनिष्ट पार्टी (नेकपा) का अध्यक्ष पुष्पकमल दाहाल ‘प्रचण्ड’ समूहको अनौपचारिक सचिवालय बैठक शुरु भएको छ ।
पार्टी कार्यालय धुम्बाराहीमा शुरु भएको बैठकमा प्रचण्डसहित सचिवालय सदस्यहरु माधवकुमार नेपाल, झलनाथ खनाल, बामदेव गौतम र नारायणकाजी श्रेष्ठ बैठकमा उपस्थित रहेका छन् ।
पार्टीभित्र देखिएको विवाद समाधानका लागि प्रचण्ड समूहले प्रधानमन्त्री समेत रहेका नेकपा अध्यक्ष केपी शर्मा ओलीसमक्ष सचिवालय बैठक बोलाउन माग गरिरहेका छन् । भने ओलीले एजेण्डाबिना सचिवालय बैठक नबोलाउने अडान राख्दै आएका थिए ।
यद्यपी मंगलवार सचिवालय बैठक बोलाउन सकारात्मक देखिएको र त्यसको जिम्मेवारी महासचिव विष्णु पौडेललाई दिएको बुझिएको छ ।
यसअघि प्रचण्ड समूहले शनिवार ओलीसँग भेटघाट गरि सचिवालय बैठक बोलाउन माग गर्दै पत्र बुझाएका थिए । अध्यक्ष ओलीले नेकपा विवाद समाधान समितिका सदस्यहरुसँग सोमवार भेटघाट गरि महासचिव पौडेललाई प्रचण्डसँग भेट्न पठाएका थिए । यद्यपी प्रचण्डले सहमती खोज्नका लागि सचिवालय बैठकको माग राखेको बताएका थिए ।
त्यस्तै आज पनि नेकपाका स्थायी कमिटि सदस्य समेत रहेका लुम्बिनी प्रदेशका मुख्यमन्त्री शंकर पोखरेलले प्रचण्डसँग भेटघाट गरि समस्या समाधानको प्रयासबारे छलफल गरेका थिए ।
यस अघि शुक्रवार पनि प्रचण्ड समूहका बहुमत सचिवालय सदस्यहरुले भेटघाट गरि छलफल गरेका थिए ।
यो पनि
सचिवालय बोलाउन ओली सकारात्मक, विष्णु पौडेललाई दिए जिम्मा
ओली भेट्न बालुवाटार पुगे प्रचण्ड
प्रचण्ड समूहले आज पनि बोलायो सचिवालय बैठक
यो खबर पढेर तपाईलाई कस्तो महसुस भयो ?
प्रतिक्रिया