Sunday 22 November 2026
आइतबार ६ मंसिर २०८३

कम्पनी रजिष्ट्रारको कार्यालयको अनलाइन दर्ता प्रणालीमा समस्या : कार्यालय र सूचना अधिकारीको छुट्टाछुट्टै कुरा !

लोकपथ संवाददाता १८ आश्विन २०७७, आइतबार १३:२६
कम्पनी रजिष्ट्रारको कार्यालयको अनलाइन दर्ता प्रणालीमा समस्या : कार्यालय र सूचना अधिकारीको छुट्टाछुट्टै कुरा !
शेयर गर्नुहोस् Facebook

काठमाडौं । कम्पनी रजिष्ट्रारको कार्यालयले सुचारु गरेको अनलाईन रजिस्ट्रेसन अर्थात अनलाइनबाट कम्पनी दर्ता गर्न आम सर्वसाधरणको गुनासो नै गुनासो रहेको छ । कहिले वेवसाइटको समस्या त कहिले लगइनको समस्या जस्ता गुनासाहरु रहेका छन् ।

कम्पनी रजिस्ट्रारको कार्यलयले अनलाइन मार्फत सूचना प्रकाशित गरेर अनलाइन सिस्टममा केहि समस्या आएकोले मर्मत कार्य भइरहेको हुँदा अनलाइन सेवा प्रयोग गर्न असहज हने जानकारी गराएको थियो । र अनलाइन दर्ता करिब ४ दिन देखि मर्मतमा रहेको सूचनाको मितिले देखाउँछ ।

यस विषयमा जानकारी लिन लोकपथ संवाददाताले कम्पनी रजिस्ट्रारको कार्यलयका सूचना अधिकारी राम प्रसाद ढकालसँग जानकारी लिन खोज्दा उनलाई मर्मतको त कुनै जानकारीनै नरहेको र आन्तरिक तथा ओभरलोड जस्ता समस्यले मात्र वेवसाइट नचलेको प्रतिक्रिया दिएका छन् ।

मर्मत सूचनामा उल्लेख गरिए अनुसार वेवसाइटको समस्या चाँडै समाधान हुने हुनाले बारम्बार कार्यालयमा फोन नगर्न आग्रह गरेको थियो । तर कम्पनीको सूचनाबारे सुचना अधिकारीनै अन्यौलमा रहँदा सूचनाको जिम्मेवारी कसले लिने ?

सूचना अधिकारी ढकालका अनुसार हालसम्म करिब २ लाख ५० हजारको हाराहारीमा अनलाइन प्रणाली मार्फत कम्पनीहरु दर्ता भएका छन् ।

यो खबर पढेर तपाईंलाई कस्तो महसुस भयो ?

प्रतिक्रिया

प्रतिक्रिया सम्पादकले हेरेपछि मात्र देखिन्छ। गालीगलौज, घृणा र link राखिएका प्रतिक्रिया प्रकाशित हुँदैनन्।

अहिलेसम्म कुनै प्रतिक्रिया छैन। पहिलो प्रतिक्रिया तपाईं दिनुहोस्।