आइन्सटाइनले श्रीमतीलाई लेखेको त्यो चिठी !

काठमाडौं । एक श्रीमानले आफ्नी श्रीमतीलाई लेखेको चिठीको मूल्य कति होला ? सायद त्यस्तो चिठीको मूल्य श्रीमतीलाई चाहिँ अमूल्य हुनसक्छ तर अरुलाई त्यको केहि अर्थ हुँदैन। तर आजभन्दा १०० वर्ष पहिले लेखिएको एउटा चिठी भने लाखौँ मूल्यमा बिकेको छ ।

आजभन्दा १०० वर्ष पहिले महान वैज्ञानिक अल्वर्ट आइन्स्टाइनले आफ्नी पत्नीलाई लेखेको चिठी २१ हजार ४९२ डलर अर्थात् झण्डै २२ लाख रुपैयाँमा बिकेको हो।

आइन्स्टाइनले सन् १९१९ को डिसेम्बर ५ मा आफ्नी पत्नी र छोरालाई उक्त चिठी लेखेका थिए । कापीको पन्नाको दुबैतर्फ लेखिएको उक्त चिठीमा आइन्स्टाइनले एकातर्फ अल्बर्ट र अर्कोतर्फ बुबा नामबाट हस्ताक्षर गरेका थिए ।

हस्तलिखित त्यो पत्रले आइन्स्टाइनको निजी जीवन र उनको वैज्ञानिक विरासतको विवरण दिन्छ ।

पत्रको शुरुवातमा आइन्स्टाइनले पत्नी मिलेवा मरिकलाई सम्बन्ध विच्छेद गर्ने व्यवस्था र छोरा हेन्स अल्बर्टको शिक्षाको बारेमा चर्चा गरेका छन् ।

उनले लेखेका छन्-यस्तो प्रतीत हुन्छ कि मेरो भाग्यमा फिरन्ते जिन्दगी लेखेको छ । मौजूदा अवस्थामा यो बुझ्न सक्छु कि तिमी निकै राम्रो हुन सक्दछौ ।

अल्बर्टको स्कुल नसारियोस् भन्ने म चाहन्छु । अर्को पन्नामा उनले छोरा हेन्स र एडबर्डको पढार्इका बारेमा अन्य कुरा लेखेका छन् ।

आइन्स्टाइनको यो चिठी अमेरिकाको पिआर अक्सन हाउसमा लिलामी भएको थियो ।

एजेन्सीको सहयोगमा

यो खबर पढेर तपाईलाई कस्तो महसुस भयो ?