दिपक खड्काको आरोप– ‘गगन थापाले पार्टी लुटेर लगे, क्षम्य हुँदैन’

काठमाडौं । नेपाली कांग्रेसका नेता दिपक खड्काले पार्टी सभापति गगन थापाले आधिकारिकता लुटेर लगेको आरोप लगाएका छन् ।

पूर्वमन्त्री समेत रहेका नेता खड्काले विशेष महाधिवेशन गरेर गगन थापाले निर्वाचन आयोगमार्फत् पार्टी लुटेको आरोप लगाएका हुन् ।

शुक्रबार इतर पक्षको राष्ट्रिय भेलालाई सम्बोधन गर्दै खड्काले आफूहरुलाई अदालतले न्याय गर्ने विश्वास रहेको समेत दाबी गरे ।

‘निर्वाचन आयोगलाई हतियारको रूपमा प्रवेश गरेर कांग्रेस लुटेर लगिएकै हो । त्यो अपराध हो, क्षम्य हुँदैन,’ खड्काले भने, ‘सर्वोच्च अदालतबाट केही राहत महसुस भएको छ। हामीले न्याय पाउने विश्वास गरेका छौँ ।’