काठमाडौं । मोरङ जिल्लाको रतुवामाई नगरपालिका–२ घररुचोकस्थित सीमा इलाकाबाट सशस्त्र प्रहरीले आइतबार राति २० लाख भारतीय रुपैयाँ बरामद गरेको छ ।
सीमा सुरक्षा गुल्म बरडंगा र बीओपी डोरियाले ५ सय दरको ४० बन्डल भारतीय रुपैयाँ बरामद गरेको हो ।
भारतबाट नेपालतर्फ मोटरसाइकलमा आउँदै गरेका व्यक्तिहरूलाई शंका लागि जाँच गर्ने क्रममा मोटरसाइकल पछाडि सवार व्यक्तिले बोकेको झोला सोही ठाउँमा फालेर भागेको जनाइएको छ ।
बरामद रुपैयाँ आवश्यक कारबाहीका लागि सम्बन्धित निकायमा बुझाउने प्रक्रियामा रहेको सशस्त्र प्रहरीका सहप्रवक्ता डीएसपी शैलेन्द्र थापाले बताए ।
यो खबर पढेर तपाईलाई कस्तो महसुस भयो ?
प्रतिक्रिया