रोल्पा । रोल्पामा तीर्थयात्री सवार जीप दुर्घटना हुँदा १६ जना घाइते भएका छन् । घाइतेमध्ये १५ जनाको अवस्था गम्भीर रहेको प्रहरीले जनाएको छ ।
रुकुम पूर्वबाट जलजला क्षेत्रमा लाग्ने वैशाख पूर्णिमा जात्रामा पूजा गर्न तीर्थयात्री बोकेर गएको जीप आज दिउँसो दुर्घटनामा परेको हो ।
जिल्ला प्रहरी कार्यालय रोल्पाका अनुसार थबाङ गाउँपालिका–१ स्थित जलजला सडकखण्डमा जीप भीरबाट करिब ८०० मिटर तल खसेको हो ।
घटनापछि घाइतेहरूको उद्धार कार्य जारी रहेको प्रहरीले जनाएको छ । जीपमा कति जना सवार थिए भन्ने यकिन विवरण भने अझै खुलेको छैन ।
रोल्पाका प्रहरी निरीक्षक सुनील थापाले दुर्घटनाबारे थप विवरण संकलन भइरहेको जानकारी दिएका छन् ।
यो खबर पढेर तपाईलाई कस्तो महसुस भयो ?
प्रतिक्रिया