सुर्खेत । कालीकोटको नरहरिनाथ गाउँपालिका–२ स्थित मजिउन खोला र बुक खोलाको बीच भागमा एक युवक मृत फेला परेका छन् ।
मृतक नरहरिनाथ गाउँपालिका–३ कुमालगाउँ २२ वर्षीय राजेन्द्र बुढा रहेको स्थानीयले बताएका छन् ।
स्थानीयका अनुसार खोलामा बालुवा लिन गएका एक दम्पतीले शव देखेपछि घटनाबारे स्थानीयलाई जानकारी गराएका थिए ।
परिवारका सदस्यहरूका अनुसार राजेन्द्र बुढा फागुन २८ गतेदेखि घरबाट हराइरहेका थिए ।
उनी नरहरिनाथको मुख्य सडकबाट करिब ३०० मिटर तल मृत अवस्थामा फेला परेका हुन् ।
घटनाबारे जानकारी पाएलगत्तै प्रहरी टोली घटनास्थल पुगेर आवश्यक अनुसन्धान सुरु गरेको जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया