कविता : खलनायक माथि छ

स्याल भै भाग्ने हिजोका तिम्लाइ संसारले चिन्दछ
शक्ति र सत्ता अस्थायी चिज हुन् जगतले मान्दछ ।

समस्या खोज्छौ तलमा तल खलनायक माथि छ
यै ताल भए जेनजी भाग दुई अझै नि बाँकी छ ।

आँधीको वेगलाई कानुनले नाप्नु नाप्ने कै मूर्खता ।
आँधी नै कानुन आँधी नै न्याय के रोज्छौ तिक्तता ।

प्रभुको भक्ति छोडेर देऊ आँधीलाई मान्यता
अन्यथा अब देखिन्न कुनै जनमा धैर्यता ।

नरोक अब बहाना बनाइ चाहना जनको ।
सन्सारमा राम्रो इतिहास छैन परिवर्तन रोक्नेको ।

विश्वास देऊ विश्वास लेउ गरेको कामको
विनाश कालमा अस्तित्व देखाऊ विद्या र विवेकको ।

कुकर्म आफ्नो ढाकछोप गर्न जे पनि गर्दछौ
नैतिक हीन आफू बनेर पनि नैतिकता बाँड्दछौ ।

अनुहारको फोहोर नधोई फेरि ऐना पो फेर्दैछ
यै तालले तिम्रो बिग्रेको छवि कहिले सुधार्छौ ?

कोइराला भेषराज