दर्शकसँगै परान हेरेपछि पूजा चन्द भन्छिन् : दर्शकको प्रतिक्रिया राम्रो पाएँ

काठमाडौं । नेपाली चलचित्र ‘परान’ले प्रतिकुल मौसमका बाबजुद पनि दर्शकबाट राम्रो प्रतिक्रिया पाएको अभिनेत्री पूजा चन्दले बताएकी छन् । 

नेपाली चलचित्र ‘परान’ प्रदर्शनमा आएको दोस्रो दिन दर्शकको उत्साह कायम रहेको छ । शुक्रबारदेखि देशभरका विभिन्न सिनेमा हलहरूमा प्रदर्शनमा आएको यस चलचित्रले मौसम प्रतिकुल भए पनि दर्शकबाट सकारात्मक प्रतिक्रिया पाइरहेको छ । 

यसै बिच चलचित्रकी अभिनेत्री पूजा चन्दले मौसमले पूर्ण साथ नदिए पनि दर्शकको प्रेमप्रति खुसी व्यक्त गरिन् । मौसम सुधार भएपछि अझ धेरै दर्शक हलमा आउनेमा आफू विश्वस्त रहेको उनले बताइन । उनकाअनुसार चलचित्रको पहिलो दुई दिनमै विभिन्न स्थानबाट राम्रो समीक्षात्मक प्रतिक्रिया आएको छ । 

उनले भनिन्, ‘डेफिनेट्लि हामीलाई वेदरले चाहिँ एकदम साथ दिइरहेको छैन । होपफुल्लि आजदेखि बेटर हुन्छ होला, अनि दर्शकहरू हलमा अझ धेरै झुम्मिने क्रम बढ्छ होला, किनभने दर्शकहरू जति पनि आउनु भएको छ, आएर पनि उहाँहरूले जुन प्रतिक्रिया दिनुभएको छ, जति पनि अहिले सोसल मिडियामा कभरेज भएको छ, पोष्टहरु बनाई राख्नुभएको छ त्यसले पनि धेरै इफेक्ट पार्छ । सबै ठाउँबाट पोजेटिभ रेसपोन्सहरु आई राखेको छ । त्यसले गर्दा चाहिँ आइम फिलिङ भेरि ह्याप्पि ।’     

दीपकराज आचार्य (काकु) बाट निर्देशित उक्त चलचित्रमा अभिनेता निर शाहसहित अभिनेत्री केकी अधिकारी, मदनकृष्ण श्रेष्ठ, पूजा चन्द, महेश त्रिपाठी, प्रविन खतिवडा, यमन श्रेष्ठ, बुद्धि तामाङ, बबिन राईलगायत कलाकारले अभिनय रहेको छ ।