काठमाडौं । चितवनको मुग्लिन–नारायणगढ सडकखण्ड अन्तर्गत पर्ने सिमलतालबाट भारतीय नम्बर प्लेटको मिनी ट्रक त्रिशूली नदी किनारमा खसेको छ ।
भारतको लखनउबाट काठमाडौंतर्फ मेवा बोकेर आउँदै गरेको यूपी ३२ जेड एन ७८८३ नम्बरको आयसर मिनी ट्रक आफैँ अनियन्त्रित भई करिब ८० मिटर तल त्रिशूली नदी किनारमा खसेको हो ।
दुर्घटनामा ट्रक चालक २१ वर्षीय आशिक यादव र सहचालक २० वर्षीय उत्तर सिंह घाइते भएका छन् । दुवै जना भारतको लखनउ निवासी हुन् ।
दुवैको भरतपुरस्थित सरकारी अस्पतालमा उपचार भइरहेको जिल्ला प्रहरी कार्यालय चितवनले जानकारी दिएको छ।
दुर्घटनाको कारण खुल्न नसकेको र घटनाबारे थप अनुसन्धान भइरहेको प्रहरीले जनाएको छ।
यो खबर पढेर तपाईलाई कस्तो महसुस भयो ?
प्रतिक्रिया