सर्पदंशबाट १३ वर्षीय किशोरको मृत्यु

डडेलधुरा । डडेलधुराको परशुराम नगरपालिका–७ सादनीका १३ वर्षीय प्रकाश भट्टराईको सर्पदंशबाट मृत्यु भएको छ ।

इलाका प्रहरी कार्यालय जोगबुडाका प्रमुख सुरेश रोकायाका अनुसार आज बिहान शौचालय जाँदै गर्दा  उनलाई सर्पले डसेको थियो । घाइते अवस्थामा तत्कालै उपचारका लागि अस्पताल पुर्‍याइएको भए पनि उपचारका क्रममा उनको ज्यान गएको प्रहरीले जनाएको छ ।

भट्टराई स्थानीय शिवशङ्कर माध्यमिक विद्यालयमा कक्षा ९ मा अध्ययनरत थिए ।