कास्मिर आतंकवादी आक्रमणमा ज्यान गुमाएका सुदिपको शव रुपन्देही ल्याइयो

काठमाडौं । भारतको कास्मिरमा भएको मंगलबार आतंकवादीको आक्रमणमा मृत्यु भएका बुटवलका सुदीप न्यौपानेको शव बुटवल ल्याइएको छ । सुदीपको पार्थिव शरीर आज बिहान सुनौली नाका हुँदै नेपाल ल्याउन ल्याइएको हो ।

आमा बहिनी र ज्वाइँसहित घुमघामका लागि कास्मिर गएका बुटवलका युवा सुदीप न्यौपानेको उक्त हमलामा ज्यान गएको थियो। आतंककारीहरूले पर्यटकलाई लक्षित गर्दै गरिएको हमलामा उनी पनि मारिएका हुन् ।

उक्त घटनामा कम्तीमा २७ जनाले ज्यान गुमाएका छन्, जसमा २२ जना भारतीय पर्यटक, दुई जना स्थानीय नागरिक र दुई जना विदेशी नागरिक (एक नेपाली र एक युएईका नागरिक) रहेका छन् ।