काठमाडौं । राष्ट्रिय प्रजातन्त्र पार्टी (राप्रपा)ले राजसंस्था पुनर्स्थापनाको मागसहित आज आइतबार गर्न लागेको आन्दोलनको केही रणनीति परिवर्तन गरेको छ । यसअघि बालुवाटार, भद्रकाली र बिजुली बजारबाट र्याली निकाल्ने भनिएकोमा अब बिजुली बजारबाट मात्रै निकालिने भएको छ ।
राप्रपा नेताहरूको केही बेरअघि बसेको अनौपचारिक बैठकले बिजुलीबजारमा मात्रै केन्द्रित हुने निर्णय गरेको राप्रपाका उपाध्यक्ष बुद्धिमान तामाङले बताए ।
राप्रपाले आज निषेधित क्षेत्र तोड्ने तयारी गरेको छ । प्रदर्शनका लागि राप्रपा नेता कार्यकर्ता तथा राजसंस्थाका समर्थकहरू अहिले बिजुलीबजारमा भेला हुन थालेका छन् । त्यहाँबाट अध्यक्ष राजेन्द्र लिङ्देनले नेतृत्व सम्हाल्नेछन् ।
र्यालीले बिजुली बजारबाट नयाँबानेश्वरतिर आएपछि निषेधित क्षेत्र तोड्ने भएको छ ।
यसअघि राप्रपाले गत चैत २५ गते बल्खुमा शान्तिपूर्ण जनप्रदर्शन गरेको थियो ।
यो खबर पढेर तपाईलाई कस्तो महसुस भयो ?
प्रतिक्रिया