काठमाडौं । संविधान सभा सदस्य एवं सिभिल सहकारीका सञ्चालक इच्छाराज तामाङ दोषी ठहर भएका छन् ।
विशेष अदालतले तामाङलाई सम्पती शुद्धिरकण मुद्दामा दोषी ठहर गरेको हो ।
उनीविरुद्ध एक वर्षअघि सम्पती शुद्धिरकण विभागले अनुसन्धान गरी विशेष अदालतमा मुद्दा दायर गरेको थियो । सोही मुद्दामा विशेषका न्यायाधीश अध्यक्ष टेकनारायण कुँवर, सदस्य न्यायाधीशहरु हेमनारायण सिंह राई र मुरारीबाबु श्रेष्ठलाई दोषी ठहर गरेको हो । त्यस्तै सजाय अर्को इजलासले निर्धारण गर्नेछ ।
सोही मुद्दामा तामाङ दम्पतीबाहेक थप ४ जना पनि दोषी ठहर भएको विशेष अदालतले जनाएको छ ।
यो मुद्दाको कसुर निर्धारणका लागि यही माघ २१ गते इजलास तोकिएको छ । उनीहरुविरुद्ध सिभिल सेभिङ एवं क्रेडिट को–अपरेटिभमा बचतकर्ताहरूको रकम हिनामिना गरेको अभियोगमा मुद्दा दायर भएको थियो ।
तामाङ दोस्रो संविधानसभामा एमालेको तर्फबाट सांसदसमेत भएका थिए ।
यो खबर पढेर तपाईलाई कस्तो महसुस भयो ?
प्रतिक्रिया