माओवादी केन्द्रको पदाधिकारी बैठक आज पनि बस्दै

काठमाडौं । नेकपा माओवादी केन्द्रको पदाधिकारी बैठक आज पनि बस्दै छ ।

बैठक दिउँसो ३ बजे प्रधानमन्त्री निवास बालुवाटारमा बस्नेछ ।बैठकमा आगामी माघ ११ गते हुने राष्ट्रिय सभा निर्वाचन, सरकारको एक वर्षको समीक्षा, आगामी केन्द्रीय कमिटी बैठक, विधान अधिवेशन, पार्टीले सञ्चालन गरेको अभियान लगायत विषयमा छलफलपछि निर्णय हुने बताइएको छ ।

‘उपलब्ध पदाधिकारीहरुबीच हिजो पनि छलफल भएको हो । आज पनि हुन्छ । खासमा यो नियमित भेटघाटमात्रै हो । यसले आधिकारिक निर्णय गर्ने भन्ने पनि होइन,’ माओवादी केन्द्रका अध्यक्ष एवम प्रधानमन्त्री पुष्पकमल दाहालका प्रेस संयोजक सुर्य किरणले भने ।

नेताहरूका अनुसार मंगलबार विहान ८ बजेकालागि बैठक तय भएपनि प्रधानमन्त्रीको समय नमिलेपछि दिउँसो ३ बजेकालागि सारेर बैठक बसेको थियो ।