जनकपुरधाम । सिरहाको औरही गाउपालिका २ तुलसीपुरमा ट्रयाक्टर पल्टिँदा दुई जनाको मृत्यु भएको छ भने एकजना घाइते भएका छन् ।
मृत्यु हुनेमा स्थानीय ४० वर्षीय सुरेन्द्र यादव र उनकै भतिजा ७ वर्षीय चन्दन यादव रहेका छन् ।
खेत जोतेर फर्किने क्रममा गागन नदीको तटबन्धबाट स १ त ७४५८ नम्बरको ट्रयाक्टर पल्टिँदा काका–भतिजाको मृत्यु भएको हो ।
ट्रयाक्टरको ईन्जिनमा च्याम्पिएर उनी दुवै जनाको मृत्यु भएको र ट्रयाक्टरमै चढेका रञ्जन यादव घाइते भएको प्रहरीले जनाएको छ ।
दुर्घटनापछि प्रहरीले घटनास्थलमा मुचुल्का तयार पारी मृतक काका–भतिजाको शव पोस्टमार्टमका लागि सिरहा प्रादेशिक अस्पताल लगेको छ ।
यो खबर पढेर तपाईलाई कस्तो महसुस भयो ?
प्रतिक्रिया