६ महानगरपालिका अपडेट : काठमाडौंमा बालेनको पल्ला भारी, भरतपुरमा रेणु अगाडि, अन्यमा को ?

काठमाडौं । देशैभर अहिले स्थानीय तह निर्वाचनको मतगणना भइरहेको छ । देशका विभिन्न स्थानबाट मतपरिणामहरु आउने क्रम जारी छ । निकै चासोका साथ हेरिएको देशको ६ वटा महानगरपालिकाको पनि मतपरिणाम आउने क्रम जारी छ ।

यस्तो छ देशैभर रहेका ६ वटा महानगरपालिकाको पछिल्लो मतपरिणाम :

काठमाडौं महानगरपालिका :

काठमाडौं महानगरपालिकामा स्वतन्त्र उम्मेदवार बालेन्द्र साह २३ हजार ५ सय ८४ मतका साथ अग्रस्थानमा छन् । साहलाई पछ्याइरहेका नेपाल कम्युनिष्ट पार्टी एमालेका केशव स्थापितले १२ हजार ३ सय ८० मत ल्याएका छन् ।

पोखरा महानगरपालिका :

पोखरा महानगरपालिकामा नेपाल कम्युनिष्ट पार्टी एकिकृत समाजवादीका उम्मेदवार धनराज आचार्यले २२ हजार ८ सय ५२ मतका साथ अग्रस्थानमा छन् । आचार्यलाई पछ्याइरहेका नेपाल कम्युनिष्ट पार्टी एमालेका कृष्णबहादुर थापाले २० हजार १ सय ३२ मत ल्याएका छन् ।

भरतपुर महानगरपालिका :

भरतपुर महानगरपालिकामा नेपाल कम्युनिष्ट पार्टी माओवादी केन्द्रकी उम्मेदवार रेणु दाहाल १६ हजार ६ सय ८९ मतका साथ अग्रस्थानमा छन् । दाहाललाई पछ्याइरहेका नेपाल कम्युनिष्ट पार्टी एमालेका विजय सुवेदीले १३ हजार ४ सय १० मत ल्याएका छन् ।

ललितपुर महानगरपालिका :

ललितपुर महानगरपालिकामा नेपाली कांग्रेसका उम्मेदवार चिरीबाबु महर्जन १६ हजार ४ सय ९ मतका साथ अग्रस्थानमा छन् । महर्जनलाई पछ्याइरहेका नेपाल कम्युनिष्ट पार्टी एमालेका हरिकृष्ण ब्यञ्जनकारले ८ हजार ९ सय ३७ मत ल्याएका छन् ।

वीरगन्ज महानगरपालिका :

वीरगन्ज महानगरपालिकामा जनता समाजवादी पार्टी, नेपालका उम्मेदवार राजेशमान सिंह १८ हजार ३ सय ९३ मतका साथ अग्रस्थानमा छन् । सिंहलाई पछ्याइरहेका नेपाल कम्युनिष्ट पार्टी एमालेका विजयकुमार सरावगीले ९ हजार ५ सय ४ मत ल्याएका छन् ।

विराटनगर महानगरपालिका :

विराटनगर महानगरपालिकामा नेपाली कांग्रेस उम्मेदवार नागेश कोइराला २० हजार ६३ मतका साथ अग्रस्थानमा छन् । कोइरालालाई पछ्याइरहेका नेपाल कम्युनिष्ट पार्टी एमालेका सागरकुमार थापाले १५ हजार ४६ मत ल्याएका छन् ।