काठमाडौं । नेपालमा पछिल्लो २४ घण्टामा थप २ हजार ६ सय ३४ जनामा कोरोना संक्रमण पुष्टि भएको छ । पछिल्लो २४ घण्टामा १२ हजार ५ सय ८५ जनाको परीक्षण गरिएको स्वास्थ्य तथा जनसंख्या मन्त्रालयले जनाएको छ ।
१२ हजार ५ सय ८५ परीक्षणमध्ये पीसीआर विधिवाट १ हजार ७ सय १८ र एन्टीजेन विधिबाट ९ सय १६ जनामा कोरोना संक्रमण पुष्टि भएको मन्त्रालयले बताएको छ ।
सातवटै प्रदेश मध्ये बागमती प्रदेशमा सबैभन्दा धेरै ७ सय ७१ जना कोरोना संक्रमित थपिएका छन् भने सुदूरपश्चिम प्रदेशमा सबै भन्दा कम २३ जना संक्रमित थपिएका छन् ।
कुन प्रदेशमा कति ?
प्रदेश-१ – ४८७ जना
प्रदेश-२ – ५२ जना
बागमती प्रदेश – ७७१ जना
गण्डकी प्रदेश – २१७ जना
लुम्बिनी प्रदेश – ११५ जना
कर्णाली प्रदेश – ५७ जना
सुदूरपश्चिम प्रदेश – २३ जना
यस्तै पछिल्लो २४ घण्टामा थप १५ जनाको मृत्यु भएको छ । योसँगै नेपालमा कोरोनाका कारण ज्यान गुमाउनेको कूल संख्या ९ हजार २ सय ६३ पुगेको छ ।
यस्तै पछिल्लो २४ घण्टामा थप १ हजार ५ सय ६५ जना कोरोना संक्रमण मुक्त भएका छन् । योसँगै नेपालमा कोरोना संक्रमण मुक्त हुनेको कूल संख्या ६ लाख १२ हजार ९ सय ९४ पुगेको छ ।
यो खबर पढेर तपाईलाई कस्तो महसुस भयो ?
प्रतिक्रिया