काठमाडौं उपत्यकामा थपिए ४ सय ९९ जना कोरोना संक्रमित

काठमाडौं । काठमाडौं उपत्यकामा पछिल्लो २४ घण्टामा थप ४ सय ९९ जना कोरोना संक्रमित थपिएका छन् । काठमाडौंमा ३ सय ६५, भक्तपुरमा २९ र ललितपुरमा १ सय ५ जना गरि उपत्यकामा कूल ४ सय ९९ जनामा कोरोना संक्रमण पुष्टि भएको मन्त्रालयले बताएको छ ।

नेपालमा पछिल्लो २४ घण्टामा थप २ हजार ६ सय ३४ जनामा कोरोना संक्रमण पुष्टि भएको छ । पछिल्लो २४ घण्टामा १२ हजार ५ सय ८५ जनाको परीक्षण गरिएको स्वास्थ्य तथा जनसंख्या मन्त्रालयले जनाएको छ ।

१२ हजार ५ सय ८५ परीक्षणमध्ये पीसीआर विधिवाट १ हजार ७ सय १८ र एन्टीजेन विधिबाट ९ सय १६ जनामा कोरोना संक्रमण पुष्टि भएको मन्त्रालयले बताएको छ ।

यस्तै पछिल्लो २४ घण्टामा थप १५ जनाको मृत्यु भएको छ । योसँगै नेपालमा कोरोनाका कारण ज्यान गुमाउनेको कूल संख्या ९ हजार २ सय ६३ पुगेको छ ।

यस्तै पछिल्लो २४ घण्टामा थप १ हजार ५ सय ६५ जना कोरोना संक्रमण मुक्त भएका छन् । योसँगै नेपालमा कोरोना संक्रमण मुक्त हुनेको कूल संख्या ६ लाख १२ हजार ९ सय ९४ पुगेको छ ।