मनसुनी वायुको प्रभाव : देशभर हल्कादेखि मध्यम वर्षाको सम्भावना

काठमाडौं । आज प्रदेश १, प्रदेश २, बागमती प्रदेश, गण्डकी प्रदेश र लुम्बिनी प्रदेशमा सामान्य देखि पूर्ण बदली तथा कर्णाली तथा सुदुर पश्चिम प्रदेशमा आंशिक देखि सामान्य बदली रहने मौसम पूर्वानुमान महाशाखाले जनाएको छ ।

प्रदेश १, प्रदेश २, बागमती प्रदेश, गण्डकी प्रदेश का केही स्थानहरुमा र लुम्बिनी प्रदेश, कर्णाली तथा सुदुर पश्चिम प्रदेशका थोरै स्थानहरूमा हल्का देखि मध्यम वर्षाको सम्भावना रहेको महाशाखाले बताएको छ ।

हाल देशभर मनसुनी वायुको प्रभाव रहेको छ । देशको दक्षिणि भू – भाग नजिक मनसुनी न्युन चापीय रेखा रहेको छ ।