कोरोना अपडेट : घट्दै सक्रिय संक्रमित, थप २ हजार ४ सय १ मा संक्रमण, ३४ को मृत्यु (पूर्ण विवरण)

काठमाडौं । नेपालमा पछिल्लो २४ घण्टामा थप २ हजार ४ सय १ जनामा कोरोना भाइरस (कोभिड-१९) संक्रमण पुष्टि भएको छ । यो सँगै नेपालमा कोरोना संक्रमितको कुल संख्या ६ लाख ४५ हजार २ सय ९पुगेको स्वास्थ्य तथा जनसंख्या मन्त्रालयले जनाएको छ ।

पछिल्लो २४ घण्टामा देशभर गरिएको कुल ११ हजार ६ सय ९६ जनाको परीक्षण गर्दा सो परिमाणमा संक्रमितहरु थपिएका हुन् । जसमध्ये १ हजार ६ सय ८८ जनाको पीसीआर र ७ सय ३१ जनामा एन्टीजेन पोजेटिभ आएको हो ।

मन्त्रालयका अनुसार पछिल्लो २४ घण्टामा नेपालमा कोरोना संक्रमणबाट थप ३४ जनाको मृत्यु भएसँगै कुल मृतक संख्या ८ हजार ६ सय ७५ पुगेको मन्त्रालयले जनाएको छ ।

हालसम्म नेपालमा ५ लाख ५३ हजार ३ सय ४२ जना कोरोना संक्रमणमुक्त भएका छन् । पछिल्लो २४ घण्टामा मात्रै नेपालमा थप ३ हजार ६ सय ६० जना कोरोना संक्रमणमुक्त भएका हुन् ।

पछिल्लो समय नेपालमा कोरोना संक्रमितको दर कमि भएसँगै सक्रिय संक्रमितको संख्यामा समेत कमि आएको छ । मन्त्रालयको तथ्यांक अनुसार हाल नेपालमा सक्रिय संक्रमितको संख्या ५७ हजार ६ सय १८ रहेको छ ।

यसैगरी काठमाडौं उपत्यकामा थप ३३७ जनामा कोरोना संक्रमण पुष्टि भएको छ । जसमध्ये काठमाडौंमा २ सय १, भक्तपुरमा ४४ र ललितपुरमा ९२ जनामा कोरोना संक्रमण पुष्टि भएको मन्त्रालयको तथ्यांकले देखाएको छ ।