नारायणी नदीमा पानीको सतहले पार गर्‍यो चेतावनीको तह, सतर्कता अपनाउन आग्रह

काठमाडौं । नारायणी नदीमा पानीको सतहले चेतावनीको तह पार गरेको छ । अविरल वर्षाका कारण पानीको सतहले चेतावनीको तह पार गरेको जल तथा मौसम विज्ञान विभागले जनाएको छ ।

नारायणी नदीमा पानीको सतह ७.८ मिटर पुगेको छ । ८ मिटरभन्दा माथि पुगेपछि खतराको तह पुगेको मानिन्छ ।

गए रातीबाट परेको अविरल वर्षाका कारण नारायणीमा पानीको सतह बढ्दा डुबान हुने खतरा बढी भएकाले विभागले सावधानी अपनाउन अग्रह गरेको छ ।

नदीमा पानीको बहाव बढेसँगै जिल्ला प्रशासन कार्यालय चितवनले सतर्कता अपनाउन आग्रह गरेको छ ।