काठमाडौं । सामाजिक सञ्जाल फेसबुकमा फेक आईडी बनाएर ठगी कार्यमा संलग्न एक जनालाई प्रहरीले पक्राउ गरेको छ ।
पक्राउ पर्नेमा रुपन्देहीको सैनामैना–११ स्थित सालझण्डी घर भई हाल काठमाडौंको चन्द्रागिरी बस्ने सीता भुसाल रहेको महानगरीय अपराध महाशाखाले जनाएको छ ।
डा जामोस सोनार, जेम्स एन्डी जस्ता नामको फेसबुक बनाएर उनले विभिन्न व्यक्तिलाई फ्रेन्ड रिक्वेस्ट पठाउँदै उनले आफू बेलायती नागरिक रहेको बताउने गरेकी थिइन् ।
यस्तै उनले एक व्यक्तिलाई बिहे गर्ने आश्वासन दिँदै जन्म दिनको अवसरमा सरप्राईज गिफ्ट को रुपमा सुनको सिक्री, आईफोन र २० हजार डलर पठाएको छु भनि फोटो समेत पठाई प्रलोभनमा पारी लाखौ रकम ठगी गरेको उजुरी प्रहरीमा परेपछि भुसालको वास्तविकता खुलेको हो ।
भुसाललाई आवश्यक अनुसन्धानको लागि महानगरिय प्रहरी परिसर काठमाडौं पठाइएको जनाइएको छ ।
यो खबर पढेर तपाईलाई कस्तो महसुस भयो ?
प्रतिक्रिया