काठमाडौं । रुसका राष्ट्रपति भ्लादिमिर पुटिनले कोरोनाविरुद्धको विश्वकै पहिलो भ्याक्सीन आफ्नो देशले बनाएको दाबी गरेका छन् ।
साथै उनले कोरोनाविरुद्धको भ्याक्सीन आफ्नो छोरीले समेत लिएको बताएका हुन् । योसँगै रुसलाई विभिन्न देशका राष्ट्रप्रमुखहरुले बधाई दिएका छन् ।
साथे रसले अक्टुबरबाट कोरोनाविरुद्धको यो भ्याक्सीन धेरै मात्रामा बनाउन थाल्ने समेत बताइसकेको छ ।
उत्पादनका साथै भ्याक्सीनको फेज ३ को ट्रायल जारी रहने रुसले बताएको छ । तर विश्वस्वास्थ्य संगठन (डब्ल्यूएचओ) ले भने नियम पालना नभएको बताइसकेको छ ।
डब्ल्यूएचओले भ्याक्सीन बनाउनको लागि बनाइएको गाइडलाइन रुसले फलो नगरेको बताएको छ ।
विश्व स्वास्थ्य संगठनका प्रवक्ता क्रिस्टियन लिण्डमियरसँग यूएन प्रेस ब्रिफिङमा सोधिएको यदि कुनै भ्याक्सीनको फेज ३ को ट्रायल नगरिकनै त्यसलाई उत्पादन गर्ने लाइसेन्स दिनु राम्रो हुन्छ ? भन्ने प्रश्नमा उनले नियम पालना नगरेकोले रुसको भ्याक्सीनमा सन्देह गर्न मिल्ने बताएका थिए ।
साथै उनले हामी आफैँ त्यसको लागि सतर्क रहन आवश्यक पर्ने बताएका थिए । विश्व स्वास्थ्य संगठनले भ्याक्सीन बनाउने कडा नियम बनाएको छ ।
ति नियम पालना गरेर सफल भएमा मात्र त्यसलाई मान्यता दिइनेछ ।
एजेन्सीको सहयोगमा
यो खबर पढेर तपाईलाई कस्तो महसुस भयो ?
प्रतिक्रिया