रेनिस । फ्रान्सेली अनुसन्धानकर्ताहरुले ऐतिहासिक महत्वको नान्टेस शहरको गिर्जाघरमा काम गर्ने एक व्यक्तिलाई पक्राउ गरी सोधपुछ शुरु गरेको बताएका छन् । आगलागीबाट गिर्जाघरमा ठूलो क्षति पुगेको अनुमान गरिएको छ ।
उक्त व्यक्तिले शुक्रवार साँझ गिर्जाघरको ढोका बन्द गरेको स्थानीय जाँच अधिकारी पियर सेनेसले बताए । उनले सोधपुछ गरिएका व्यक्तिको आगलागीमा कुनै संलग्नता थियो भनेर अहिल्यै भन्न कठिन रहेको पनि जानकारी दिए।
अनुसन्धान अधिकारीहरुले नान्टेस गिर्जाघरमा शनिबार भएको यस आगलागीलाई आगजनीका रुपमा व्याख्या गर्दै अनुसन्धान थालेका छन् । आगलागीबाट सेन्ट पीटर र सेन्ट पलको गोथिक गिर्जाघरका तीन ठाउँमा ठूलो क्षति गरेको छ ।
गत वर्ष सन् २०१९ को अप्रिलमा पनि फ्रान्सकै ऐतिहासिक एवं धार्मिक महत्वको नोट्रेडाम गिर्जाघरमा भीषण आगलागी भएको थियो । उक्त गिर्जाघरको पुनर्निर्माण कार्य जारी छ । रासस
यो खबर पढेर तपाईलाई कस्तो महसुस भयो ?
प्रतिक्रिया