कोरोनाको प्रकोप : भारतमा बिहीवार एकैदिन अहिलेसम्मकै धेरै संक्रमित थपिए

काठमाडौं । कोरोना भाइरसको महामारी यतिबेला जताततै व्याप्त छ । यो समाचार तयार पार्दासम्म विश्व्मा ५ लाख २४ हजार ३९ जनाको मृत्यु भएको छ भने १ करोड ९ लाख ८४ हजार ७९८ जनालाई संक्रमण भएको छ ।

त्यस्तै ६१ लाख ४० हजार ७५८ जना स्वास्थ्योपचार पछि निको भएका छन् भने ५८ हजार १३६ जनाको स्वास्थ्य अवस्था गम्भीर रहेको छ ।

यसैबीच भारतमा कोरोना भाइरसका कारण अहिलेसम्म १८ हजार २२५ जनाको मृत्यु भएको छ भने ६ लाख २७ हजार १६८ जनालाई संक्रमण भएको छ ।

त्यस्तै ३ लाख ७९ हजार ९०२ जना स्वास्थ्योपचार पछि निको भएका छन् भने ८ हजार ९४४ जनाको स्वास्थ्य अवस्था गम्भीर रहेको छ ।

भारतमा बिहीवार अहिलेसम्मकै सबैभन्दा धेरै संक्रमित थपिएका छन् ।

भारतमा एकेदिनमा २१ हजार ९४८ जना संक्रमित थपिएको यो पहिलो पटक हो भने बिहीवार नै भारतमा ३७७ जनाको मृत्यु भएको छ ।