गोरु काटेर खाएको आरोपमा पक्राउ

पाल्पा- पाल्पाको रामपुर नगरपालिका १० वरभञ्ज्याङ्गमा गोरु काटेर खाएको आरोपमा ३ जनालाई प्रहरीले पक्राउ गरेको छ ।

गत जेठ ५ गते शुक्रबार राती साढे ११ बजे वीरबहादुर सुनारको गोठमा बाँधेर राखेको गोरु नजिकैको सालघारीको जंगलमा लगेर काटेको आरोपमा रामपुर १० वरभञ्ज्याङ्गका २५ वर्षीय प्रेम सुनार, १९ वर्षीय दामोदर सुनार र १९ वर्षीय नारायण सुनारलाई पक्राउ गरिएको जिल्ला प्रहरी कार्यालय पाल्पाले जनाएको छ ।

घटना बारेमा थप अनुसन्धान भइरहेको जिल्ला प्रहरी कार्यालय पाल्पाले जनाएको छ ।