काठमाडौं – भारतीय विदेशमन्त्री एस जयशंकरले चिनियाँ समकक्षी वाङ यीबीच टेलिफोन संवाद भएको छ । लद्दाखको गालवान भ्यालीमा भएको हिंसात्मक झडपका कारण भारत९चीनबीच तनाव बढिरहेका बेला उनीहरुबीच टेलिफोन वार्ता भएको हो ।
सोमबार राति भएको झडपमा २० भारतीय सेनाको मृत्यु भएको छ भने चीनतर्फका ४३ सैनिक हताहत भएको भारतीय पक्षले दाबी गरिरहेका छन् भने चीनले आफ्ना पक्षका सेना हताहतको विषयमा केही खुलाएको छैन । यसैसन्दर्भलाई लिएर भारतीय विदेशमन्त्री र समकक्षीबीच कुारकानी भएको थियो । यो घटना भारत र चीनबिचको ४५ वर्षयताकै ठूलो हिंसात्मक घटना भएका कारण विश्व समुदायले यसबारेमा चासो दिईरहेको छ । टेलिफोन संवादका क्रममा चिनियाँ विदेश मन्त्री वाङले भारतीय सैनिक सीमा नाघेर चीनतर्फ आई भिडन्तका लागि उक्साएको दाबी गर्दै ती सैनिकलाई कारबाही गर्न माग गरेको अन्तर्राष्ट्रिय सञ्चारमाध्यमले जनाएका छन् । विवादलाई न्यायोचित रुपमा सुल्झाउन र जतिसक्दो छिटो तनाव कम गर्न दुवै पक्ष सहमत भएको भारतीय सञ्चारमाध्यमले खबर लेखेका छन् ।
भारतले आफ्ना २० जना सैनिक मारिएको खबर दिँदै नामावली सार्वजनिक गरिसकेको छ ।
उक्त झडपमा मारिनेमा एक कर्णेलसहित चार नायक सुबेदार, तीन हवल्दार, एक नायक र ११ सिपाहीसहित २० जनामारिएका हुन् ।
चीनसँगको झडपमा मारिने सेना
१. एम- कर्णेल बी सन्तोष बाबु- हैदराबाद
२. एस- नायक सुबेदार नुदुरम सोरेन- मयूरभन्ज
३. एम- नायक सुबेदार मन्दीप सिंह- पटियाला
४. एक्स- नायक सुबेदार सतनाम सिंह- गुरदासपुर
५. वाई- हवल्दार के. पालानी- मदुरई
६. एन- हवल्दार सुनील कुमार- पटना
७. एन- हवल्दार विपुल राय- मेरठ सिटी
८. के- नायक दीपक कुमार- रीवा
९. सिपाही राजेश ओरांग- बीरभूम
११. वाय- सिपाही कुन्दनकुमार ओझा- साहेबगन्ज
११. सिपाही गणेश राम- कांकेर
१२. सिपाही चन्द्राकान्ता प्रधान- कंधमाल
१३. सिपाही अंकुश- हमीरपुर
१४. सिपाही गुरबिंदर- संगरुर
१५. सिपाही गुरतेज सिंह- मनसा
१६. सिपाही चन्दन कुमार- भोजपुर
१७. सिपाही कुन्दन कुमार- सहरसा
१८. सिपाही अमन कुमार- समस्तीपुर
१९. सिपाही जयकिशोर सिंह- वैशाली
२०. सिपाही गणेश हंसदा- पूर्वी सिंहभूम
भारतमा २० जवानको हिंसामा मृत्यु भएको र १ सय ३५ घाइतेमध्ये चार जवानको स्थिती गम्भीर रहेको बताइएको छ ।
तीन घण्टासम्म भएको हिंसा दुई परमाणु शक्ति सम्पन्न देशको बीचमा लद्दाखमा १४ हजार फिट अग्लो गालवन भ्यालीमा भएको थियो ।
यद्यपी चीन तर्फबाट पनि ४० भन्दा बढी सैनिकको हताहती भएको विभिन्न सञ्चार माध्यमले जनाएका छन् । तर चीनले भने पुष्टि गरेको छैन् ।
यो खबर पढेर तपाईलाई कस्तो महसुस भयो ?
प्रतिक्रिया