अमेरिकामा आईतवार कोरोनाबाट मृत्यु हुनेको संख्या २७ मार्च यताकै थोरै

काठमाडौं । कोरोना भाइरसको महामारीका कारण यतिबेला सारा विश्व त्रस्त बनेको छ ।

यो समाचार तयार पार्दासम्म विश्वमा कोरोना भाइरसको महामारीका कारण ४ लाख ३५ हजार ४४८ जनाको मृत्यु भईसकेको छ भने ७९ लाख ८८ हजार ६१५ जनालाई संक्रमण भएको छ ।

त्यस्तै ४१ लाख ७ हजार ५२९ जना स्वास्थ्योपचार पछि निको भएका छन् भने विश्वमा ५४ हजार ४५७ जनाको स्वास्थ्य अवस्था गम्भीर रहेको छ ।

यसैबीच अमेरिकामा कोरोना भाइरसका कारण अहिलेसम्म १ लाख १७ हजार ८५३ जनाको मृत्यु भएको छ भने २१ लाख ६२ हजार १४४ जनालाई संक्रमण भएको छ ।

त्यहाँ ८ लाख ६७ हजार ८४९ जना स्वास्थ्योपचार पछि निको भएका छन् भने १६ हजार ७०४ जनाको स्वास्थ् अवस्था गम्भीर रहेको छ ।

अमेरिकाको न्यूयोर्कमा अहिलेसम्म ३० हजार ९११ जनाको मृत्यु भईसकेको छ भने ४ लाख ४ हजार ४७० जनालाई संक्रमण भएको छ ।

त्यस्तै न्यूजर्सीमा १२ हजार ७३३ जनाको मृत्यु भईसकेको छ भने १ लाख ६९ हजार ४४१ जनालाई संक्रमण भएको छ ।

अमेरिकामा आईतवार १९ हजार ९२० जनालाई संक्रमण भएको छ भने ३२६ जनाको मृत्यु भएको छ । यो संख्या २७ मार्च यताकै सबैभन्दा कम हो ।