काठमाडौं – अमेरिकाको मिनेपोलिसमा अफ्रिकीमूलका एक अमेरिकी अश्वेत व्यक्तिको निर्मम हतयाको विषयलाई लिएर अमेरिकामा हिंसा भड्किएको धेरै भएको छैन । बाँच्न देउ भन्दै हारगुहार गरिरहेका अश्वेत व्यक्तिलाई पुलिसले मारेको भिडियो सामाजिक सञ्जालमा भाइरल भएपछि हिंसा अझै उग्र बनेको थियो।
अश्वेतको मृत्युपछि मिनेपोलिस सहित अमेरिकाका ४० शहरमा हिंसा भड्किएको थियो ।
अत्यन्तै क्रूर ढंगले प्रहरीले ८ मिनेटसम्म फ्लोयडको घाँटी थिचेर गरेको हत्याको विषयलाई लिएर अमेरिकी प्रहरीको विरोध भईरहेको बेला जून ५ मा अपलोड गरिएको एउटा मिडियो अहिले सामाजिक सञ्जालमा भाईरल भइरहेको छ ।
सामाजिक सञ्जाल प्रयोगकर्ताले उक्त भिडियो सेयर गर्दै अमेरिकामा प्रहरी ज्यादतीको अर्को डरलाग्दो घटना भनेका छन् ।
स्थानीय समय अनुसार गत बिहीबार राति ८ बजेपछि पश्चिम न्यूर्योकको बफेलो शहरमा दुई प्रहरी अधिकारीले ७५ वर्षका एक वृद्धलाई धकेलेर लडाएको भिडियो अहिलेपनि उत्तिकै सेयर भइरहेको छ ।
यो भिडियो हेर्ने जोकोहीले अमेरिकी प्रहरी अत्तिकै क्रूर बन्दै गएको अनुमान लगाउँदै गाली गरेका छन् ।
के छ भाईरल भिडियोमा ?
जर्ज फ्लोइडको हत्याको विरोध तथा न्यायको माग गर्दै भएको प्रदर्शन नियन्त्रणका लागि न्यूर्योकको दोस्रो ठूलो शहर बफेलोमा कर्फ्यू जारी गरिएको थियो ।
कर्फ्यू कार्यान्वयनका लागि हातहतियारसहित खटिएका दुई प्रहरीले ७५ वर्षका वृद्धलाई धकेलेर लडाएका हुन् । लडेका ती वृद्धको टाउको गम्भीर चोट लागेको भिडियोमा देखिन्छ । रगत बग्छ । उनी बेहोस हुन्छन् । उनलाई धकेल्ने प्रहरी अघि बढ्छन् । सुरक्षाकर्मी हेर्दै जान्छन् । पछि उनलाई उठाउँछन् । बफेलोमा भएको घटना सम्बन्धी भिडियो रेडियो स्टेशन डब्लुबिएफओले पोस्ट गरेको हो ।
ती वृद्धको हाल स्थानीय अस्पतालमा उपचार भइरहेको अमेरिकी सञ्चारमाध्यमले जनाएका छन् । उनको अवस्था गम्भीर तर स्थिर रहेको छ ।
बफेलो शहरका मेयर बायरन ब्राउनले एक वक्तव्य जारी गरेर घटनाप्रति गम्भीर दुःख व्यक्त गर्दै ती वृद्धलाई धकेल्ने दुई प्रहरी अधिकारीलाई निलम्बित गरिएको जानकारी दिएका छन् ।
हेर्नुहोस् भिडियो
अन्तर्राष्ट्रिय सञ्चारमाध्यमको सहयोगमा
यो पनि पढ्नुहोस् :
८ मिनेट ४६ सेकेण्डसम्म जीवनको भीख मागेको त्यो स्वर, कसैले गरेनन् बचाउने आँट
यो खबर पढेर तपाईलाई कस्तो महसुस भयो ?
प्रतिक्रिया