ब्राजिल बन्यो कोरोनाको पछिल्लो टार्गेट : २४ घण्टामा १ हजार बढीले गुमाए ज्यान

काठमाडौं । कोरोना भाइरसको महामारी यतिबेला विश्वमै व्याप्त छ ।

यो समाचार तयार पार्दासम्म विश्वमा ३ लाख ३३ हजार ९७६ जनाको मृत्यु भईसकेको छ भने ५१ लाख ८६ हजार ८३७ जनालाई संक्रमण भएको छ ।

त्यस्तै २० लाख ६८ हजार ७१० जना स्वास्थ्योपचार पछि निको भएका छन् भने विश्वमा ४५ हजार ६०७ जनाको स्वास्थ्य अवस्था गम्भीर रहेको छ ।

यसैबीच ब्राजिलका कोरोना भाइरसको महामारीका कारण बितेको २४ घण्टामा १ हजार १५३ जनाको मृत्यु भएको छ भने १६ हजार ७३० जनालाई संक्रमण भएको छ ।

त्यहाँ अहिलेसम्म २० हजार ४७ जनाको मृत्यु भईसकेको छ भने ३ लाख १० हजार ८७ जनालाई संक्रमण भएको छ ।

त्यस्तै त्यहाँ १ लाख १६ हजार ६८३ जना स्वास्थ्योपचार पछि निको भएका छन् भने ८ हजार ३१८ जनाको स्वास्थ्य अवस्था गम्भीर रहेको छ ।