मेक्सिकोमा झनै बढ्न थाले मृतक र संक्रमित : पछिल्लो २४ घण्टामा आजसम्मकै धेरैको मृत्यु

काठमाडौं । कोरोना भाइरसको महामारीबाट यतिबेला सारा विश्व ग्रस्त छ । यो समाचार तयार पार्दासम्म विश्वमा ३ लाख २९ हजार ७३१ जनाको मृत्यु भएको छ भने ५० लाख ८५ हजार ५०४ जनालाई संक्रमण भएको छ ।

त्यस्तै २० लाख २१ हजार ६६६ जना स्वास्स्थ्योपचार पछि निको भएका छन् भने विश्वमा ४५ हजार ८०२ जनाको स्वास्थ्य अवस्था गम्भीर रहेको छ ।

यसैबीच कोरोनाको पछिल्लो टार्गेट बनेको मेक्सिकोमा पछिल्लो २४ घण्टामा मात्रै ४२४ जनाको मृत्यु भएको छ भने २ हजार २४८ जनालाई संक्रमण भएको छ ।

त्यहाँ अहिलेसम्म ६ हजार ९० जनाको मृत्यु भईसकेको छ भने ५६ हजार ५९४ जनालाई संक्रमण भएको छ ।

यो समाचार तयार पार्दासम्म त्यहाँ ३८ हजार ८७६ जना उपचार पछि निको भएका छन् भने ३७८ जनाको स्वास्थ्य अवस्था गम्भीर रहेको छ ।

त्यहाँ बुधवार मात्र २ हजार ७१३ जना नयाँ संक्रमित थपिएका थिए भने ३३४ जनाको मृत्यु भएको थियो ।