भारतमा कोरोनाको प्रकोप : एकैदिन ११६ जनाको मृत्यु, ६२ हजार नाघे संक्रमित

काठमाडौं । कोरोना भाइरसको महामारीबाट यसबेला सारा विश्व त्रस्त बनेको छ ।

यो समाचार तयार पार्दासम्म विश्वमा २ लाख ८० हजार ४४३ जनाको मृत्यु भईसकेको छ भने ४१ लाख १ हजार ७७२ जनालाई संक्रमण भएको छ ।

त्यस्तै १४ लाख ४१ हजार ७९१ जना स्वास्थ्योपचार पछि निको भएका छन् भने विश्वमा ४७ हजार ६८१ जनाको स्वास्थ्य अवस्था गम्भीर रहेको छ ।

यसैबीच भारतमा कोरोना भाइरसको महामारीका कारण यो समाचार तयार पार्दासम्म २ हजार १०९ जनाको मृत्यु भईसकेको छ भने ६२ हजार ९३९ जनालाई संक्रमण भएको छ ।

भारतमा आज मात्रै थप ८ जनाको मृत्यु भईसकेको छ भने हाजै १३१ जना नयाँ संक्रमित थपिएका छन् । भारतमा १९ हजार ३५८ जना स्वास्थ्योपचार पछि निको भएका छन् ।

त्यस्तै भारतमा शनिवार ३ हजार ११३ जना नयाँ संक्रमित थपिएका छन् भने शनिवार नै ११६ जनाको मृत्यु भएको छ ।