माटो खन्ने क्रममा ढिस्कोले पुरिएर महिलाको मृत्यु

मोरङ । माटो खन्ने क्रममा ढिस्कोले पुरिएर एक महिलाको मृत्यु भएको छ । मोरङको बुढिगंगा गाउँपालिका–६ तिलाठीकी ५३ वर्षीय चन्द्रकुमारी कठेतको मृत्यु भएको हो।

आइतबार साझ घर नजिकैको खोलामा माटो खन्ने क्रममा ढिस्कोले पुरिएर कठेत घाइते भएकी थिइन् । उनको उपचारका क्रममा विराट नर्सिङ होम विराटनगरमा आइतबार राति मृत्यु भएको प्रहरीले जनाएको छ ।