विमलको गोलमा मनाङको जित

काठमाडौं । सहिद स्मारक ए डिभिजन लिग फुटबलमा साविक विजेता मनाङ मर्स्याङ्दी क्लबले जित हात पारेको छ ।

शुक्रबार भएको खेलमा मनाङले पुछारको क्लब सरस्वती युथ क्लबलाई १-० गोल अन्तरले पराजित गरेको हो । त्रिपुरेश्वरस्थित दशरथ रंगशालामा मनाङको जितमा विमल रानाले निर्णायक गोल गरे ।  खेलको ४६ औं मिनेटमा विमलले गरेको गोल गरेका थिए ।

जितसँगै मनाङले ८ खेलमा १६ अंक जोडेको छ । सरस्वतीको ८ खेलमा १ अंक रहेको छ ।