Sunday 22 November 2026
आइतबार ६ मंसिर २०८३

सिरहामा दुईवटा यात्रुबहाक ठोक्किदा १५ जना घाइते

बिप्लव जमकटेल २५ असार २०७६, बुधबार १८:०४
file photo
file photo
शेयर गर्नुहोस् Facebook

काठमाडौं । सिरहामा दुईवटा यात्रुबहाक बस एकआपसमा ठोक्किदा चालकसहित १५ जना घाइते भएका छन् ।

काँकरभिटाबाट काठमाडौंका लागि छुटेको ना७ख ५३८२ नम्बरको बस र सिरहा माडरबाट राजविराजका लागि छुटेको ना४ख ६७४३ नम्बरको बस बुधबार दिउँसो धनगढीमाई नगरपालिका–११ सोनापुरमा एकआपसमा ठोक्किएर १५ यात्रु घाइते भएका हुन् ।

प्रहरीका अनुसार घाइते मध्ये ९ जनाको श्रमजीवी केयर अस्पताल सोनापुर र ५ जनाको आरके मेडिसिटी अस्पताल जिरोमाइलमा उपचार भइरहेको छ।

गम्भीर घाइते भएका धनगढीमाई नगरपालिका–५ का ३० वर्षे बस चालक श्रीनारायण ठाकुरलाई उपचारका लागि विराटनगर रेफर गरिएको छ।

यो खबर पढेर तपाईंलाई कस्तो महसुस भयो ?

प्रतिक्रिया

प्रतिक्रिया सम्पादकले हेरेपछि मात्र देखिन्छ। गालीगलौज, घृणा र link राखिएका प्रतिक्रिया प्रकाशित हुँदैनन्।

अहिलेसम्म कुनै प्रतिक्रिया छैन। पहिलो प्रतिक्रिया तपाईं दिनुहोस्।