२०७८,श्रावण,१७,आईतवार

मंसिर मसान्त भित्र भूकम्प प्रभावित जिल्लाका प्रत्येक वडामा इन्जिनियर परिचालन गर्ने

२०७४,मङ्सिर,१,शुक्रवार ०८:०६


काठमाडौं, १ मंसिर । राष्ट्रिय पुनःनिर्माण प्राधिकरणले मंसिर मसान्तभित्र भूकम्प प्रभावित सबै जिल्लाका प्रत्येक वडामा इन्जिनियर परिचालन गर्ने भएको छ प्रमुख कार्यकारी अधिकृत युवराज भुसालको अध्यक्षतामा बसेको प्राधिकरणको ९२ औँ बैठकले हालै नियुक्त गरिएका प्राविधिक जनशक्तिलाई मंसिर ७ देखि १५ गतेसम्म अभिमुखीकरण तालीम दिई यो महिनाको अन्तिमसम्म प्रभावित ३१ जिल्लाका प्रत्येक वडामा खटाउने निर्णय गरेको हो मंसिर १७ गतेसम्म प्राविधिकलाई रमाना दिई २५ गतेसम्म कार्यक्षेत्रमा खटाउने प्राधिकरणको तयारी छ । यसैगरी बैठकले पुस मसान्तभित्रै सम्पन्न हुने गरी भूकम्प प्रभावित जिल्लाका स्थानीय तहमा थप ५४ हजार डकर्मीलाई सुरक्षित घर निर्माणसम्बन्धी तालीम सञ्चालन गर्ने भएको छ बैठकले भूकम्प प्रभावित १४ जिल्लामा पहिले तालीम लिन छुटेका स्थानीय तहसहित कम प्रभावित १७ जिल्लाका स्थानीय तहलाई समेटेर सात दिने सीप विकास तालीम सञ्चालन गर्ने निर्णय पनि गरेको छ बैठकले तालीम प्राप्त डकर्मीको सुनिश्चितताका लागि भूकम्पले क्षति नपु¥याएका जिल्लाका डकर्मीलाई समेत तालीम दिन सकिने गरी सम्बन्धित क्षेत्रमा प्रचारप्रसार गर्ने भएको छ । पहिले तालीम लिएकालाई नदोहो¥याई अन्यलाई तालीममा सहभागी गराउने विषयलाई समावेश गरी पेश गर्न शहरी विकास मन्त्रालय, केन्द्रीय आयोजना कार्यान्वयन एकाइलाई निर्देशन दिएको प्राधिकरणका प्रवक्ता यमलाल भुसालले जानकारी दिए पुनःनिर्माणका लागि ५४ हजारलाई के कसरी तालीम दिन सकिन्छ भनी स्पष्ट खाका बनाई मंसिर ३ गतेसम्म प्राधिकरणमा पेश गर्न पनि बैठकले संघीय मामिला तथा स्थानीय विकास मन्त्रालयअन्तर्गतको केन्द्रीय आयोजना कार्यान्वयन एकाइलाई निर्देशन दिएको छ यसैगरी भूकम्पबाट कम प्रभावित १७ जिल्लामा पुनःनिर्माणलाई सहयोग गर्न जिल्ला समन्वय समितिमा तोकिएका सम्पर्क व्यक्तिलाई संघीय मामिला तथा स्थानीय विकास मन्त्रालयअन्तर्गत जिल्ला आयोजना कार्यान्वयन एकाइमा राखी सम्पर्क व्यक्तिका रुपमा काम गर्न लगाउने निर्णय भएको प्रवक्ता भुसालले बताए बैठकले सरकारी, सार्वजनिक र वन क्षेत्रमा घर भई प्रवलीकरणका लागि सिफारिस भएका लाभग्राहीलाई पूर्ण लाभग्राही बनाई अनुदान सम्झौताको प्रक्रिया अघि बढाउने निर्णय गरेको छ । गुनासो व्यवस्थापन प्रक्रियाबाट प्राप्त हुन आएको लाभग्राही सूचीमा पेश भएका ८४८ व्यक्तिको नामावली स्वीकृत गर्ने निर्णय पनि गरेको उनले बताए ।

प्रकाशित मिति: २०७४,मङ्सिर,१,शुक्रवार ०८:०६

प्रतिक्रिया दिनुहोस !
सम्बन्धित खबरहरु

काठमाडौं । अब सांसदहरुको तलब तथा भत्ता सरकारी बैंकबाटै भुक्तानी हुने भएको छ । हालसम्म निजी बैंकहरुबाट भुक्तानी दिइदैँ आएको

काठमाडौं । अर्थसचिवमा मधुकुमार मरासिनी नियुक्त भएका छन् । आज प्रधानमन्त्री तथा मन्त्रीपरिषद्को कार्यालयले पठाएको चिठि बुझेको स्रोतले जनाएको छ

काठमाडौं । नेकपा माओवादी केन्द्रको स्थायी कमिटी बैठक बस्दैछ । पार्टी केन्द्रीय कार्यालय पेरिसडाँडामा केहि बेरमा बैठक बस्न लागेको हो

काठमाडौं । पार्टी एकताको प्रयासको लागि भन्दै शनिवार स्थगित भएको नेकपा(एमाले)को स्थायी कमिटी बैठक आज बस्दैछ । स्थायी कमिटी बैठक

ताजा समाचार

काम खोज्न भारत जानेको लर्को
 २०७८,श्रावण,१७,आईतवार १२:१८
मेलम्ची बाढी अपडेट : १७ घर टहरा बगायो
 २०७८,श्रावण,१७,आईतवार १२:०३