२०७८,श्रावण,१०,आईतवार

झापामा धेरै मनाङमा कम मतादाता थप

२०७४,कार्तिक,३०,बिहीवार १०:०३


 काठमाडौँ, ३० कात्तिक – स्थानीय तहको निर्वाचनभन्दा अब हुने प्रतिनिधिसभा र प्रदेशसभाको निर्वाचनमा झापा जिल्लामा सबभन्दा बढी मतदाता थपिएका छन् स्थानीय तहको निर्वाचनमा भन्दा कूल १३ लाख ५५ हजार ५१४ मतदाता थपिएकामा झापाबाट मात्र ७६ हजार ८१० मतदाता थपिएको निर्वाचन आयोगका सूचना व्यवस्थापन केन्द्रका वरिष्ठ कम्प्युटर अधिकृत चन्द्र साहले जानकारी गराए झापामा गत स्थानीय तहको निर्वाचनमा पाँच लाख आठ हजार ३५६ मतदाता रहेकामा आगामी निर्वाचनमा त्यो सङ्ख्या बढेर पाँच लाख ८५ हजार १६६ पुगेको छ । उक्त जिल्लामा ४० हजार २१० महिला र ३६ हजार ६०० पुरुष मतदाता थपिएका हुन् । गत असारमा आयोगले प्रतिनिधिसभा र प्रदेशसभाको निर्वाचनका लागि मतादाता नामावली अद्यावधिक गरेको थियो झापापछि मोरङमा थप मतदाताको सङ्ख्या बढी छ । मोरङमा स्थानीय तहभन्दा ६९ हजार २२४ मतदाता थपिएको उनले बताए । मोरङमा पाँच लाख ७५ हजार ५५८ मतदाताबाट बढेर ६ लाख ४४ हजार ७८२ पुगेका छन् यस्तै मतादाता बढी बढ्ने जिल्लामा रुपन्देही, कैलाली, दाङ, काठमाडौँ तथा चितवन छन् । रुपन्देहीमा गतभन्दा स्थानीय तहभन्दा ६० हजार ५३ मतदाता बढेका छन् । रुपन्देहीमा चार लाख ६२ हजार ५४९ मतदाता रहेकामा अहिलेको निर्वाचनमा पाँच लाख २२ हजार ६०२ मतदाता पुगेका हुन् यस्तै कैलालीमा ५७ हजार २९९, दाङमा ४७ हजार ७८० र काठमाडौँमा ४४ हजार ५३ र चितवनमा ४१ हजार ३३ मतदाता बढेको पाइएको हो । मनाङमा भने सबभन्दा कम मतदाता बढेका छन् । उक्त जिल्लामा ७८६ जना मतदाता थपिएका हुन् । स्थानीय तहको निर्वाचनमा मनाङमा पाँच हजार ९५ रहेकामा बढेर पाँच हजार ८८१ पुगेको छ । त्यसपछि कम मतदाता बढ्नेमा मुस्ताङ रहेको छ । मुस्ताङमा ९७२ जना बढेका छन् । मुस्ताङमा आठ हजार ४५५ बाट बढेर नौ हजार ४२७ पुगेका छन् यस्तै कूल मतदातामा नौ लाख ९७ हजार ४७५ पुरुष र ६ लाख ५८ हजार १६ महिला मतदाता बढेको पाइएको छ भने तेस्रोलिङ्गी २३ जना बढेका छन् । महिला मतदाता अघिल्लो निर्वाचनमा ६९ लाख ९३ हजार १२७ बाट ७६ लाख ५१ हजार १४३ र पुरुष मतदाता ७० लाख ७९ हजार १५३ बाट ७७ लाख ७६ हजार ६२८ पुगेका छन् भने तेस्रोलिङ्गी १४४ बाट १६७ पुगेको आयोगको तथ्याङ्क छ कम्प्युटर अधिकृत साहका अनुसार प्रतिनिधिसभा र प्रदेशसभाको निर्वाचनका लागि कूल मतदाता एक करोड ५४ लाख २७ हजार ९३८ पुगेका छन् ।गत स्थानीय तहमा एक करोड ४० लाख ७२ हजार ४२४ मतदाता थिए यस्तै २०७० सालको दोस्रो संविधानसभाको निर्वाचनमा एक करोड ४७ लाख ८६५ मतदाता र २०६४ सालमा भएको पहिलो संविधानसभाको निर्वाचनमा एक करोड ७६ लाख नौ हजार ८१५ मतदाता रहेका आयोगले जनाएको छ ।

प्रकाशित मिति: २०७४,कार्तिक,३०,बिहीवार १०:०३

प्रतिक्रिया दिनुहोस !
सम्बन्धित खबरहरु

काठमाडौं । नवनियुक्त स्वास्थ्य राज्यमन्त्री उमेश श्रेष्ठले आइतबार साँझ पद तथा गोपनियताको सपथ ग्रहण गर्ने भएका छन्। उनलाई प्रधानमन्त्री शेरबहादुर

काठमाडौं । प्रधानमन्त्री शेरबहादुर देउवाले सांसद उमेश श्रेष्ठलाई स्वास्थ्य राज्यमन्त्रीमा नियुक्त गरेका छन् । प्रधानमन्त्री देउवाको सिफारिसमा राष्ट्रपतिले आइतबार संविधानको

काठमाडौं । जनता समाजवादी पार्टी (जसपा) नेपालको उपेन्द्र यादव पक्षीय कार्यकारिणी समितिका सदस्यहरू एक रिसोर्टमा भेला भएका छन्। निर्वाचन आयोगले

काठमाडौं । आइतबार बसेको प्रतिनिधिसभा अन्तर्गतको अन्तर्राष्ट्रिय सम्बन्ध समितिमा सांसदहरूबीच चर्काचर्की परेको छ । संसदीय समितिमा नेकपा एमालेका अध्यक्ष केपी

ताजा समाचार

धादिङमा २० वर्षीया युवती मृत फेला
 २०७८,श्रावण,१०,आईतवार १५:४२
बैंकिङ कसुर मुद्दामा फरार महिला पक्राउ
 २०७८,श्रावण,१०,आईतवार १५:३१