२०७८,श्रावण,१०,आईतवार

१४ जनाविरुद्ध भ्रष्टाचार मुद्दा

२०७४,कार्तिक,३०,बिहीवार ०१:२१


काठमाडौँ, ३० कात्तिक – अख्तियार दुरुपयोग अनुसन्धान आयोगले भक्तपुर नगरकोट नगरपालिका संयुक्त वडा कार्यालय सुडालका वडा सचिव माधव सुवेदीविरुद्ध विशेष अदालतमा भ्रष्टाचार मुद्दा दायर गरेको खबर गोरखापत्रमा छ राजस्व रकम आम्दानी रसिद नकाटी हिनामिना गरेको अभियोगमा बुधबार अख्तियारले विशेषमा मुद्दा दायर गरेको हो । वडा सचिव सुवेदीले सरकारलाई हानिनोक्सानी पु¥याउने गरी चार लाख ३२ हजार २१० रुपियाँ भ्रष्टाचार गरेको आरोपसहित मुद्दा दर्ता गरेको हो । वि.सं. २०७१ मङ्सिर २५ देखि २०७२ चैत ३० सम्म वडा सचिव सुवेदीले उक्त रकम हिनामिना गरेको दाबी अख्तियारको छ सुवेदीले भ्रष्टाचार निवारण ऐन २०५९ को दफा १७ बमोजिम कसुर गरेको आरोप लगाउँदै अख्तियारले हिनामिना रकम बराबरको बिगो दाबी गरेको छ । सुवेदीविरुद्ध बिगोबमोजिम जरिवाना र कैद सजायको पनि माग गरिएको छ यस्तै अख्तियारले कैलालीको भैरवमाला राष्ट्रिय माध्यमिक विद्यालयका प्रधानाध्यापक हरि जैसीले विद्यालयको रकम हिनामिना गरेको आरोपमा बुधबार नै भ्रष्टाचार मुद्दा दायर गरिएको छ अख्तियारले जैसीविरुद्ध एक लाख ४८ हजार रुपियाँ बिगो दाबी गरेको छ । बिगो बमोजिमको जरिवाना र कैद सजायको पनि अख्तियारले माग गरेको छ अख्तियारले सोही विद्यालयका विद्यालय व्यवस्थापन समितिका पूर्वअध्यक्ष भूमिप्रसाद जैसी र पूर्वप्रधानाध्यापक मोतीराम जैसीविरुद्ध पनि मुद्दा दायर गरेको छ । अन्य शिक्षकको अध्यापन अनुमतिपत्र प्रयोग गरी आधिकारिक व्यक्तिको सट्टा निजी स्रोतका शिक्षकलाई पठनपाठन गराउन लगाएर राज्यकोषको रकम हिनामिना गरेको आरोप लगाइएको छ । राज्यकोषमाथि १८ लाख ३४ हजार ३८० रुपियाँ नोक्सानी पु¥याएको अख्तियारको प्रारम्भिक ठहर छ । अख्तियारले दुवै जनाविरुद्ध बिगो रकम बराबरको जरिवाना र कैद दाबी गरेको छ यसैगरी अख्तियारले बुधबार नै मालपोत कार्यालय धादिङका तत्कालीन प्रमुखसहित १० जनाविरुद्ध विशेष अदालतमा भ्रष्टाचार मुद्दा दर्ता गरेको छ मालपोत, नापी र भूमिसुधारका कर्मचारीको मिलेमतोमा साविकको नीलकण्ठ गाविस वडा नं. ५ मा अवस्थित विभिन्न जग्गामा किर्ते कित्ता नम्बर कायम गरी दर्ता गरेको अभियोगमा मुद्दा दर्ता गरिएको हो अख्तियारले धादिङका तत्कालीन प्रमुख मालपोत अधिकृत शङ्करप्रसाद भेटवाल, मालपोत अधिकृत कुशध्वज खत्री, शाखा अधिकृत रामकृष्ण खत्री, नायब सुब्बा नेत्रराज जोशी, नायब सुब्बा जयबहादुर खड्का, नायब सुब्बा मुकुन्दराज पाण्डे, खरिदार राधाकृष्ण नेपालविरुद्ध मुद्दा दर्ता गरेको हो यस्तै नापी कार्यालय धादिङका तत्कालीन अमिन भीमप्रसाद श्रेष्ठ, सर्वेक्षक विश्वकुमार बस्नेत, सर्वेक्षक रवीन्द्रनाथ ठाकुरविरुद्ध पनि मुद्दा दायर भएको छ । किर्तेमा संलग्न जग्गाधनी भनिएका लीलाबहादुर श्रेष्ठ र प्रदीप अधिकारीविरुद्ध पनि अख्तियारले मुद्दा दायर गरेको हो ।

प्रकाशित मिति: २०७४,कार्तिक,३०,बिहीवार ०१:२१

प्रतिक्रिया दिनुहोस !
सम्बन्धित खबरहरु

मनाङ । गत जेठ अन्तिममा परेको अविरल वर्षाले जिल्लामा सरकारी, गैरसरकारी तथा व्यक्तिगत संरचनामा क्षति पुगेको छ । हालसालै पनि

काठमाडौं । नेपाली कांग्रेसका सांसद गगन थापाले पूर्वप्रधानमन्त्री एवम् एमाले वरिष्ठ नेता झलनाथ खनालको उपचारका लागि सरकारले दिन लागेको उपचार

काठमाडौं । जनता समाजवादी पार्टी (जसपा) का अध्यक्ष महन्थ ठाकुरले प्रधानमन्त्री शेरबहादुर देउवासँग भेटघाट गरेको छन् । अध्यक्ष ठाकुर मंगलवार

काठमाडौं । नेकपा एमालेका वरिष्ठ नेता माधव नेपाल पक्षका सांसदको बैठकमा पछिल्लो राजनीतिक घटनाक्रमबारे छलफल भएको छ । मंगलवार नयाँ

ताजा समाचार