२०७८,श्रावण,८,शुक्रवार

मतदाता भन्छन् : मतदाता प्रतिक्रिया झन्जटिलो

२०७४,कार्तिक,२८,मंगलवार १५:३५


लमजुङ, २८ कात्तिक -सोमबार अपराह्न फुलबारी मैदानमा चुनावी रौनक थियो । सुरक्षा व्यवस्थामा खटिएका म्यादी प्रहरीलाई भीड व्यवस्थापन गर्न हम्मेहम्मे भएको थियो मतदानको लागि पुरुष र महिलाको छुट्टाछुट्टै लाइन थियो । नमून मतदानका लागि मैदानमा डोरी टागेर मतदान केन्द्र बनाइएको थियो । डोरी सीमानाभित्र तीन वटा फरक–फरक तीन वटा बक्सा, तीनवटा गोप्य मत राख्ने ठाउँ बनाइएको थियो झट्ट हेर्दा लाग्थ्यो, मंसिर १० गते आज नै हो । निर्वाचनका लागि खटिएका प्रतिनिधिले पालैपालो मतदाताहरुलाई मतदान गराइरहेका थिए । सर्वसाधारण पालैपाले मतदान गर्दै बाहिर निष्किएका थिए मतदाताले पहिलेको भन्दा अहिले निर्वाचन झन्जटिलो भएको प्रतिक्रिया दिए । आशन्न प्रतिनिधिसभा र प्रदेशसभा निर्वाचनमा मतदान गर्न झन्झटिलो भएको उनीहरुले प्रतिक्रिया दिएका हुन् । मतदाताले मतपत्र लिन, छाप लगाउन र बाकसमा राख्न तीन–तीन पटकसम्म ओहोरदोहोर गर्नुपर्दा झन्झटिलो भएको नमूना मतदान गर्नुभएकी बेँशीशहरकी सिर्जना श्रेष्ठले बताइन् “स्थानीय तह निर्वाचनमा पनि यस्तो झन्झट भएको थिएन”–श्रेष्ठले भनिन् , “तीन वटा मतपत्रको लागि तीन पटक ओहोरदोहोर गर्नुपर्ने रहेछ ।”स्थानीय तह निर्वाचनभन्दा प्रतिनिधिसभा र प्रदेशसभा निर्वाचनका लागि प्रत्यक्षतर्फ भने मतदान गर्न निकै सजिलो भएको मतदाता बताउछन् । तर समानुपातिकतर्फ धेरै चुनाव चिह्न भएकाले धेरै अल्मलिने बँेसीशहरकै सविता वाग्लेले बताइन् निर्वाचन आयोगले एउटा मतदाताले दुई मिनेटमा सबै मत हालिसक्ने समय आँकलन गरेको छ । प्रत्यक्षतर्फको मतपत्रमा थोरै चुनाव चिह्न भएकाले समय नलाग्ने तर समानुपातिकतर्फ धेरै चुनाव चिह्न भएकाले मतदातालाई बढी समय लाग्नसक्ने जिल्ला निर्वाचन अधिकारी तुलसीप्रसाद तिमिल्सेनाको भनाइ छ बदर मत न्यूनीकरण गर्न र मतदान गर्ने तौरतरिका सिकाउन नमूना मतदान गराइएको जिल्ला निर्वाचन कार्यालयले जनाएको छ ।

प्रकाशित मिति: २०७४,कार्तिक,२८,मंगलवार १५:३५

प्रतिक्रिया दिनुहोस !
सम्बन्धित खबरहरु

काठमाडौं । नेपाली कांग्रेसका वरिष्ठ नेता रामचन्द्र पौडेलले पार्टीको आसन्न १४ औं महाधिवेशन तोकिएकै मितिमा सम्पन्न गर्ने काममा कटिवद्ध भएर

काठमाडौं । पुष्पलालको ४३ औँ स्मृति दिवसका अवसरमा एमाले वरिष्ठ नेता माधवकुमार नेपाल समूहदेखि नेत्र विक्रम चन्दको पार्टीका नेताले एउटै

काठमाडौँ । राष्ट्रिय जनमोर्चाका अध्यक्ष चित्रबहादुर केसीले पाँच दलको एकताले संविधान र संसद जोगाएको बताएका छन्। ४३ औँ पुष्पलाल स्मृति

काठमाडौँ । नेकपा एमाले (माधव पक्ष) की नेतृ अष्टलक्ष्मी शाक्यले लोकतान्त्रिक शक्तिहरु नेतृत्वमा आइरहेको बेलामा जनताहरु जहिल्यै भ्रष्टाचारको शिकार हुने

ताजा समाचार

पोखरा–ढाका सिधा हवाई उडानबारे छलफल
 २०७८,श्रावण,८,शुक्रवार २१:४९
भक्तपुरको जङ्गलमा भेटियो मानव कङ्काल
 २०७८,श्रावण,८,शुक्रवार २१:४३
महामहिम ओलीदेखि व्यवस्थासम्मलाई दोष !
 २०७८,श्रावण,८,शुक्रवार २०:०६