२०७८,श्रावण,८,शुक्रवार

सुरेन्द्र, माधव र झलनाथको साथ बिक्रम पाण्डेलाई, प्रचण्ड पुगे ओलीको शरणमा

२०७४,कार्तिक,२८,मंगलवार ०५:१०


काठमाडौं- नेकपा (एमाले) र नेकपा (माओवादी केन्द्र)बीच पार्टी एकीकरणको कुरा चलिरहँदा एमालेका वरिष्ठ नेता माधवकुमार नेपाल र झलनाथ खनाल समूह भने त्यसका विरुद्ध सक्रिय भएका छन् । उनीहरूले पार्टी एकीकरण हुन नदिने र प्रच्ण्डसहितका केही नेताहरूलाई जसरी पनि हराउने योजनामा नेपाल–खनाल समूह सक्रिय भएको छ नेता नेपाल र खनालले चितवन क्षेत्र नं. ३ बाट प्रतिनिधि सभाका लागि उम्मेदवार बनेका माओवादी केन्द्रका अध्यक्ष पुष्पकमला दाहाल ‘प्रचण्ड’लाई हराउन सक्रिय भएको खुलासा भएको हो । एमालेका नेता सुरेन्द्र पाण्डेको सक्रियतामा माधव नेपाल र झलनाथ खनालले राप्रपा (प्रजातान्त्रिक) नेता एवम् प्रचण्डका प्रतिस्पर्धी बिक्रम पाण्डेसँग गोप्य रुपमा कुराकानी भएको स्रोतले जनाएको छ बिक्रम पाण्डे र सुरेन्द्र पाण्डेबीच प्रचण्डलाई हराउने सहमति भएको स्रोतको दाबी छ । ‘प्रचण्डले जिते भने पनि पार्टी एकीकरण हुने होइन । बरु अहिले नै प्रचण्डलाई निर्वाचनमा सिध्याइदिने हो भने एमालेलाई पछि सहज हुन्छ, प्रचण्ड एमालेमा आए भने एमालेका नेता तथा कार्यकर्ता सिद्धिन्छन्, राजनीतिक सक्किन्छ’, स्रोतले भन्यो, ‘त्यसका लागि सुरेन्द्र पाण्डे, बिक्रम पाण्डे, माधवकुमार नेपाल र झलनाथ खनालवीच सम्वादहरू भएका छन् । उहाँहरू टेलिफोन सम्पर्कमा हुनुहुन्छ । पत्यक्ष भेट्दा अर्को सन्देश जान्छ । एमालेलाई बचाउनका लागि पनि माओवादी केन्द्रका उम्मेदवारहरूलाई मतदान गर्न सबै एमालेका कार्यकर्तासँग आग्रह गर्ने सहमति भएको छ ।’सुरेन्द्र पाण्डे झलनाथ खनालका साढु भाई हुन् । केपी ओली समूहबाट पेलानमा पर्दै आएका सुरेन्द्र पाण्डेलाई हराउन पनि एमालेभित्रै समूह लागेको छ । आफूलाई हराउन प्रचण्ड र केपी ओली समूह लागेपछि सुरेन्द्र पाण्डेले पनि प्रचण्डलाई पाठ सिकाउन बिक्रमसँग निकटता बनाएको स्रोतको भनाइ छ सुरेन्द्र पाण्डेको सक्रियतामा माधवकुमार नेपाल र झलनाथ खनालले आफूलाई हराएर बिक्रम पाण्डेलाई जिताउने षड्यन्त्र गरेको चालपाएपछि प्रचण्डले केपी ओलीसँग गुनासो गरेको स्रोतले जनाएको छ । ओलीले सुरेन्द्र पाण्डेलाई आफूले सम्झाउने आश्वासन दिएका छन् । प्रचण्डलाई हराउने ठूलो षड्यन्त्र एमालेकै नेपाल र खनाल समूहले बनाएको थाहा पाएपछि माधवकुमार नेपालसँग कुरा गर्न केपी ओली मंगलबार काठमाडौं आउँदै छन् ।

प्रकाशित मिति: २०७४,कार्तिक,२८,मंगलवार ०५:१०

प्रतिक्रिया दिनुहोस !
सम्बन्धित खबरहरु

काठमाडौं । नेकपा(एमाले) का नेता योगेश भट्टराईले युथ फोर्स र अखिल फोर्सलाई तत्काल खारेज गर्न माग गरेका छन् । भट्टराईले

काठमाडौं । नेपाली कांग्रेसका वरिष्ठ नेता रामचन्द्र पौडेलले पार्टीको आसन्न १४ औं महाधिवेशन तोकिएकै मितिमा सम्पन्न गर्ने काममा कटिवद्ध भएर

काठमाडौं । पुष्पलालको ४३ औँ स्मृति दिवसका अवसरमा एमाले वरिष्ठ नेता माधवकुमार नेपाल समूहदेखि नेत्र विक्रम चन्दको पार्टीका नेताले एउटै

काठमाडौँ । राष्ट्रिय जनमोर्चाका अध्यक्ष चित्रबहादुर केसीले पाँच दलको एकताले संविधान र संसद जोगाएको बताएका छन्। ४३ औँ पुष्पलाल स्मृति

ताजा समाचार

पोखरा–ढाका सिधा हवाई उडानबारे छलफल
 २०७८,श्रावण,८,शुक्रवार २१:४९
भक्तपुरको जङ्गलमा भेटियो मानव कङ्काल
 २०७८,श्रावण,८,शुक्रवार २१:४३
महामहिम ओलीदेखि व्यवस्थासम्मलाई दोष !
 २०७८,श्रावण,८,शुक्रवार २०:०६